Hulp vir gestremde kinders

Te midde van fase 2 van die landswye inperking het die Turkse Samewerking- en Koördineringsagentskap (TiKA) hul ondersteuning aan die Side by Side Early Intervention Centre gebied. Die Side by Side-span het noodsaaklikhede ontvang om aan ouers met gestremde kinders uit te deel. Hulle het met behulp van dieetkundiges die kospakkies saamgestel.

“Kinders is die toekoms. Om dié rede het TiKA besluit om die kospakkies te skenk om die nodige voeding wat gestremde kinders nodig het te voorsien, veral in hierdie moeilike tyd,” het TiKA Windhoek se programkoördineerder, me. Özlem Güvenç, gesê. Me. Huipie van Wyk van Side by Side sê hulle is dankbaar vir TiKA se ondersteuning. Foto verskaf