Hupstoot vir erfenis in Afrika
Meer as N$300 000 is verlede week tydens 'n sakeontbyt vir die Afrika-wêrelderfenisraadfonds (AWHF) ingesamel.
Tydens die geleentheid het verskeie plaaslike sakelui, finansiële instellings en diplomate geld geskenk. Die voormalige president van Namibië, mnr. Hifikepunye Pohamba, is 'n beskermheer van die AWHF en was by die geleentheid teenwoordig, asook die Suid-Afrikaanse adjunkminister van kuns en kultuur, me. Makhotso Sotyu.
Die Namibiese regering sal ook oor 'n tydperk van drie jaar N$1 miljoen per jaar tot die AWHF bydra om die bewaring van erfenisgebiede in Afrika te ondersteun. Namibië spog met twee erfenisgebiede, naamlik die Namib-sandsee en Twyfelfontein.
Die AWHF is 'n inisiatief van die Afrika-unie en Afrika-lidlande van die Verenigde Nasies se organisasie vir onderwys, wetenskap en kultuur (Unesco) wat in 1972 by die Unesco Wêrelderfenis-konvensie onderteken is. Die fonds is gestig om Afrika-lidlande te help om die Unesco-konvensie te implementeer vir die bewaring en beskerming van wêreld- kulturele en natuurlike erfenisgebiede.
Die minister van onderwys, kuns en kultuur, me. Katrina Hanse-Himarwa, het in haar toespraak wat namens haar gelewer is, gesê Namibië het baie voordeel uit die werk van die fonds gekry deur die opleiding van kundiges in erfenisbestuur, asook om die Namib-sandsee op die Wêrelderfenislys in 2013 te lys.
Sy het 'n beroep op die private sektor gedoen om sakegeleenthede in die erfenissektor deur openbare-private vennootskappe te betree.
Die Namib-sandsee is in die Namib-Naukluft Park geleë aan die kus van die suidelike Atlantiese Oseaan en beslaan 'n gebied van meer as 3 077 700 hektaar. Twyfelfontein is naby Khorixas in die Kunenestreek geleë en het die grootste konsentrasie rotstekeninge in Afrika wat van minstens 2 000 jaar terug dateer. Dit is in 2007 as 'n Unesco-erfenisgebied verklaar. - Nampa
Tydens die geleentheid het verskeie plaaslike sakelui, finansiële instellings en diplomate geld geskenk. Die voormalige president van Namibië, mnr. Hifikepunye Pohamba, is 'n beskermheer van die AWHF en was by die geleentheid teenwoordig, asook die Suid-Afrikaanse adjunkminister van kuns en kultuur, me. Makhotso Sotyu.
Die Namibiese regering sal ook oor 'n tydperk van drie jaar N$1 miljoen per jaar tot die AWHF bydra om die bewaring van erfenisgebiede in Afrika te ondersteun. Namibië spog met twee erfenisgebiede, naamlik die Namib-sandsee en Twyfelfontein.
Die AWHF is 'n inisiatief van die Afrika-unie en Afrika-lidlande van die Verenigde Nasies se organisasie vir onderwys, wetenskap en kultuur (Unesco) wat in 1972 by die Unesco Wêrelderfenis-konvensie onderteken is. Die fonds is gestig om Afrika-lidlande te help om die Unesco-konvensie te implementeer vir die bewaring en beskerming van wêreld- kulturele en natuurlike erfenisgebiede.
Die minister van onderwys, kuns en kultuur, me. Katrina Hanse-Himarwa, het in haar toespraak wat namens haar gelewer is, gesê Namibië het baie voordeel uit die werk van die fonds gekry deur die opleiding van kundiges in erfenisbestuur, asook om die Namib-sandsee op die Wêrelderfenislys in 2013 te lys.
Sy het 'n beroep op die private sektor gedoen om sakegeleenthede in die erfenissektor deur openbare-private vennootskappe te betree.
Die Namib-sandsee is in die Namib-Naukluft Park geleë aan die kus van die suidelike Atlantiese Oseaan en beslaan 'n gebied van meer as 3 077 700 hektaar. Twyfelfontein is naby Khorixas in die Kunenestreek geleë en het die grootste konsentrasie rotstekeninge in Afrika wat van minstens 2 000 jaar terug dateer. Dit is in 2007 as 'n Unesco-erfenisgebied verklaar. - Nampa
Kommentaar
Republikein
Geen kommentaar is op hierdie artikel gelaat nie