In ma se voetspore

Franja du Plessis is ‘n 23 jarige sangerers, liedjieskrywer en aktrise. Sy neem van skool af deel aan sang en talent aande en in matriek neem sy deel aan haar skool (Hoërskool Die Wilgers) se revue, en speel die hoofrol, Leika.

Franja het al opgetree regoor die land in konserte soos Afrikaans is Groot (2013) en Gospel Skoupsel in Kaapstad (2013). Franja was ook in 2013 te sien in die fliek “As jy Sing” en vertolk een van die hoof karakters, naamlik Marna. Sy het die liedjie “In twee geskeur” spesiaal geskryf vir die fliek “As jy Sing”.

Franja het musiek en programmering aan die Berkeley universiteit van Kalifornie gestudeer.

Franja se debut album “My Verhaal “ is op 24 Junie 2016 vrygestel, met 16 oorspronklike liedjies, uit haar eie pen. “My Verhaal” het na slegs 4 maande Goue Status bereik met verkope oor die 15 000 eenhede.

Franja se eerste enkelsnit “Stad van verlange” pryk op talle radio speellyste en haar musiek video het reeds oor die 400 000 “kyke”.

Franja is ook ‘n liedjieskrywer en het help skryf aan die volgende liedjies van Juanita du Plessis:

1. Om jou pinkie – “Jy voltooi my”

2. Kaalvoetkind – “Jy voltooi my”

3. Aanhou om aan te hou – “Toe staan die wêreld stil”

4. Hou op soek – “Toe staan die wêreld stil”