In samehorigheid met landgenote

Sowat 100 Zimbabwiese burgers wat in Namibië woon, het Vrydag ’n petisie aan die Zimbabwiese ambassade oorhandig. Daarin eis hulle die onderdrukking van betogings teen die regering in Zimbabwe moet gestaak word. Aanvalle op burgerlikes deur militêre magte was in reaksie op betogings wat Maandag ontstaan het ná die aankondiging dat brandstofpryse verdubbel. Mnr. Luke Hari het gesê hulle is bekommerd oor die Zimbabwiese regering se dwarsboming van vryheid van spraak, die onderdrukking van die vryheid om te vergader en die ongrondwetlike onderdrukking van die individuele menseregte van sy burgers.“Ons veroordeel die regering se gebruik van skerp ammunisie op ongewapende burgerlikes wat wettig betoog en hul ontevredenheid oor die skerp styging in kommoditeitspryse uitspreek, wat veroorsaak is deur die brandstofprysverhoging van 150% wat deur president Emmerson Mnangagwa aangekondig is,” lui die petisie.Die groep het ook 'n beroep op Mnangagwa en sy visepresident, mnr. Constantino Chiwenga, gedoen om te bedank.Zimbabwe se ambassadeur in Namibië, me. Rofina Chikava, was nie beskikbaar om die petisie te ontvang nie, en dit is aan ’n werknemer van die ambassade oorhandig. – Nampa

In samehorigheid met landgenote

Kommentaar

Republikein 2025-04-03

Meld asseblief aan om kommentaar te lewer

In samehorigheid met landgenote

Kommentaar

Republikein 2025-04-03

Meld asseblief aan om kommentaar te lewer

MELD AAN

Advertensie