Inentings: 600 000 teen September nou mikpunt
Hoewel die Covid-sterftes klein op globale vlak mag lyk, moet dit in die konteks van die Namibiese bevolking van 2,5 miljoen mense gesien word.
Henriette Lamprecht – Die ministerie van gesondheid en maatskaplike dienste wil meer as 600 000 Namibiërs teen die einde van September teen Covid-19 inent.
Die minister, dr. Kalumbi Shangula, het tydens die verwelkoming van 'n mediese noodspan uit die Verenigde Koninkryk gesê sy ministerie werk ook onverpoos om teenstand teen immunisering te takel en die opname van die entstof te verhoog.
Volgens Shangula is die land se inentingsveldtog ook deur middel van radio- en televisie-onderhoude en die vermeerdering van immuniseringspunte versterk.
Shangula het verwys na die verskillende golwe van die pandemie waardeur Namibië reeds is, met enkele gevalle wat tydens die eerste golf aangeteken is.
“Daar was 'n tydperk van 45 dae waarin ons nie 'n enkele geval aangeteken het nie. Nuwe gevalle het egter weer geleidelik begin toeneem en het tot die eerste golf gelei.”
Tydens dié golf is die land die hoogste getal infeksies (316 vir 'n enkele dag) op 13 Augustus verlede jaar aangeteken. Die tweede golf was in Desember met die hoogste getal van 683 gevalle wat op 13 Desember aangeteken is.
Volgens Shangula is die tweede golf voorafgegaan deur massa- politieke byeenkomste tydens die streek- en plaaslike owerheidsveldtogte. Hoewel maatreëls in plek was om groot byeenkomste te beperk, was die “politieke belange so hoog dat daar nie aan dié vereistes voldoen kon word nie.”
Die derde golf wat aan die einde van Mei vanjaar begin het, is volgens Shangula nie deur omgewings- of politieke faktore gedryf nie, maar wel deur die nuwe Delta-variant wat aanvanklik in Indië geïdentifiseer is en grootskaalse verwoesting gesaai het.
Die teenwoordigheid van dié variant in Namibië is deur genoomtoetsing bevestig.
“Van daar af het ons 'n vinnige en eksponensiële styging van die getalle nuwe gevalle gesien wat tot 2 547 in 'n enkele dag toegeneem het.”
Die Covid-sterftes het ook daarna begin styg met die hoogste getal op 'n dag en wel 150 wat in Julie aangeteken is.
“Hoewel hierdie getal klein op globale vlak mag lyk, moet dit in die konteks van die Namibiese bevolking gesien word wat net 2,5 miljoen mense is.”
Volgens Shangula het verskeie faktore tot die vinnige oordrag van die virus bygedra. Hy het verduidelik die coronavirus is 'n nuwe virus en die bevolking kon nie 'n natuurlike immuniteit daarteen opbou nie.
“Met die aanvang van die derde golf was net 3% van die bevolking ten volle ingeënt. Tesame met die hoë oordraagbaarheid van die virus en die hoë viruslading kon die virus vinnig versprei en baie sterftes veroorsaak.”
Hy het verwys na waninligting wat veral via sosiale media en ander platforms versprei word wat 'n rol gespeel het om mense huiwerig te maak om ingeënt te word. Ook het sommige Covid-positiewe mense hulself tuis behandel en slegs mediese ingryping opgesoek toe dit reeds te laat was.
Volgens Shangula het die derde golf baie hoë getalle nuwe gevalle gehad wat gelei het tot 'n vinnige toename in die aantal mense wat in die hospitaal opgeneem is, in veral in Khomas en Erongo. Dié golf het later na talle ander streke versprei.
Shangula erken die land se gesondheidstelsel is “oorweldig”.
“Ons kapasiteit beddens in hospitale oraloor die land kon nie meer opnames hanteer nie, die voorsiening van suurstof is uitgeput en ons werksmag is oorweldig, wat daartoe gelei het dat sommige siek geword en selfs gesterf het.”
'n Beroep is op die Wêreldgesondheidsorganisasie (WHO) gedoen wat 'n mediese noodspan na Namibië ter ondersteuning gestuur het.
– [email protected]
Die minister, dr. Kalumbi Shangula, het tydens die verwelkoming van 'n mediese noodspan uit die Verenigde Koninkryk gesê sy ministerie werk ook onverpoos om teenstand teen immunisering te takel en die opname van die entstof te verhoog.
Volgens Shangula is die land se inentingsveldtog ook deur middel van radio- en televisie-onderhoude en die vermeerdering van immuniseringspunte versterk.
Shangula het verwys na die verskillende golwe van die pandemie waardeur Namibië reeds is, met enkele gevalle wat tydens die eerste golf aangeteken is.
“Daar was 'n tydperk van 45 dae waarin ons nie 'n enkele geval aangeteken het nie. Nuwe gevalle het egter weer geleidelik begin toeneem en het tot die eerste golf gelei.”
Tydens dié golf is die land die hoogste getal infeksies (316 vir 'n enkele dag) op 13 Augustus verlede jaar aangeteken. Die tweede golf was in Desember met die hoogste getal van 683 gevalle wat op 13 Desember aangeteken is.
Volgens Shangula is die tweede golf voorafgegaan deur massa- politieke byeenkomste tydens die streek- en plaaslike owerheidsveldtogte. Hoewel maatreëls in plek was om groot byeenkomste te beperk, was die “politieke belange so hoog dat daar nie aan dié vereistes voldoen kon word nie.”
Die derde golf wat aan die einde van Mei vanjaar begin het, is volgens Shangula nie deur omgewings- of politieke faktore gedryf nie, maar wel deur die nuwe Delta-variant wat aanvanklik in Indië geïdentifiseer is en grootskaalse verwoesting gesaai het.
Die teenwoordigheid van dié variant in Namibië is deur genoomtoetsing bevestig.
“Van daar af het ons 'n vinnige en eksponensiële styging van die getalle nuwe gevalle gesien wat tot 2 547 in 'n enkele dag toegeneem het.”
Die Covid-sterftes het ook daarna begin styg met die hoogste getal op 'n dag en wel 150 wat in Julie aangeteken is.
“Hoewel hierdie getal klein op globale vlak mag lyk, moet dit in die konteks van die Namibiese bevolking gesien word wat net 2,5 miljoen mense is.”
Volgens Shangula het verskeie faktore tot die vinnige oordrag van die virus bygedra. Hy het verduidelik die coronavirus is 'n nuwe virus en die bevolking kon nie 'n natuurlike immuniteit daarteen opbou nie.
“Met die aanvang van die derde golf was net 3% van die bevolking ten volle ingeënt. Tesame met die hoë oordraagbaarheid van die virus en die hoë viruslading kon die virus vinnig versprei en baie sterftes veroorsaak.”
Hy het verwys na waninligting wat veral via sosiale media en ander platforms versprei word wat 'n rol gespeel het om mense huiwerig te maak om ingeënt te word. Ook het sommige Covid-positiewe mense hulself tuis behandel en slegs mediese ingryping opgesoek toe dit reeds te laat was.
Volgens Shangula het die derde golf baie hoë getalle nuwe gevalle gehad wat gelei het tot 'n vinnige toename in die aantal mense wat in die hospitaal opgeneem is, in veral in Khomas en Erongo. Dié golf het later na talle ander streke versprei.
Shangula erken die land se gesondheidstelsel is “oorweldig”.
“Ons kapasiteit beddens in hospitale oraloor die land kon nie meer opnames hanteer nie, die voorsiening van suurstof is uitgeput en ons werksmag is oorweldig, wat daartoe gelei het dat sommige siek geword en selfs gesterf het.”
'n Beroep is op die Wêreldgesondheidsorganisasie (WHO) gedoen wat 'n mediese noodspan na Namibië ter ondersteuning gestuur het.
– [email protected]
Kommentaar
Republikein
Geen kommentaar is op hierdie artikel gelaat nie