Inskrywings vir Afrikaans-Ekspo nou oop

Die tyd het weer aangebreek vir die Federasie van Afrikaanse Kultuurvereniginge (FAK) se jaarlikse Internasionale Afrikaans-Ekspo, met Afrikaanse boeke as tema vanjaar.Die FAK se Internasionale Afrikaans-Ekspo is ’n opwindende skryf- en kreatiewe kunstekompetisie wat fokus op leerlinge se kreatiewe gebruik van Afrikaans. Dit is pret vir leerlinge om deel te neem, maar hulle ontvang ook hulp met hul skryfproses deur die terugvoering wat hulle van die beoordelaars ontvang.Die kompetisie word vanjaar vir die vyfde keer aangebied. Leerlinge staan ‘n kans om groot geld vir hulself en vir hul skole te wen. Die skool met die grootste deelname staan ’n kans om N$10 000 te wen en die junior en senior algehele wenners ontvang elk N$2 000 en hul skool ontvang ook N$2 000!Die Ekspo bestaan uit agt kategorieë, waar onder dagboekinskrywings, resensies, opstelle, kortverhale, poësie, voordrag, fotografie en kuns (skilderkuns en tekenkuns) waarin leerlinge hul kreatiwiteit – ofte wel liefde vir boeke – kan uitleef.Stof dus jou kamera af, haal die verfkwaste uit en maak daardie potlode skerp om jou reis met boeke uit te beeld of vertel ons in ’n opstel, resensie of opstel hoekom boeke jou so na aan die hart lê.Danie du Toit, sanger van Spoegwolf, beoordeel vanjaar die poësie-afdeling.“Ek wil baie graag nuwe Afrikaanse gedigte lees. Skryf in!”WIE KAN DEELNEEM?Alle graad 1- tot 12-leerlinge in Suid-Afrika en Namibië asook enige land ter wêreld waar Afrikaans as moedertaal of nie-moedertaal gebruik of bestudeer word, kan gratis deelneem. Gr. 1- tot 5-leerlinge kan aan skilderkuns, poësie en voordrag deelneem, terwyl die res vir al die kategorieë mag inskryf. Jy mag ook aan meer as een kategorie deelneem. Skryf aanlyn in by ekspo.fak.org.za. Inskrywings sluit op 12 Julie 2021.

Inskrywings vir Afrikaans-Ekspo nou oop

Kommentaar

Republikein 2025-04-18

Meld asseblief aan om kommentaar te lewer

Inskrywings vir Afrikaans-Ekspo nou oop

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie