Inspanning vir Afrika voor ITU-punte baas kry
Triathlon
Die Namibiese Triathlonfederasie in samewerking met die Alphie Grobler Triathlon Mariental sal op Saterdag 17 November 'n ware internasionale Afrikabeker-byeenkoms by die Hardapdam by Mariental aanbied.
Elite atlete vanuit verskeie wêrelddele sal meeding om punte ter kwalifisering vir die 2020 Olimpiese Spele te verkry. Tot dusver het 13 elite driekampatlete ingeskryf – onder meer van die VSA, Duitsland, Sirië, Marokko, Jordanië, Suid-Afrika en uiteraard Namibië.
Daar sal twee hoofkategorieë wees, naamlik Elites en Ouderdomsgroepe (onderverdeel in individuele ouderdomskategorieë vir seniors, subveterane, veterane, meesters, grootmeesters, junior en jeug). Spanne is ook welkom om in te skryf.
Die elite groep sal die standaard afstand takel, naamlik 1.5 km swem, 40 km fietsry en 10 km hardloop.
Individue wat in hul ouderdomsgroep meeding, asook spanne sal hul vermoëns oor die Sprint-afstand (750 meter swem, 20 km fietsry, 5 km hardloop) kan toets.
Die verkorte afstand vir ouderdomsgroepe is ingevolge die wêreldbeheerliggaam (ITU) se veiligheidsreëls, want dit kan dalk op Mariental te warm wees om die ouderdomsgroep-atlete die volle afstand te laat aflê.
Aangesien die elite atlete die veld vir hulself moet hê, sal dié groep eerste wegspring.
In die jeugkategorie (11-15 jaar) sal die Super Sprint-afstand van 400 m swem, 10 km fietsry en 2.5 km hardloop aangepak word.
Inskrywings vir alle elite atlete, mededingers in elke ouderdomsgroepe asook spanne is nog oop en veral Namibiërs word aangemoedig om die gebeurtenis te ondersteun.
Om in te skryf, kan die webskakel www.otbsport.com/events/34-content/572-mariental-atu gevolg word.
Spesiale vervoerreëlings vir atlete kan gedoen word deur besprekings by die byeenkoms se strategiese vennoot Horizon Windhoek Transfers te doen.
Besprekings vir verblyf is by Hardapdam, of plekke naby aan Mariental geleë, beskikbaar.
Inskrywingsgeld vir vanjaar vir die ouderdomsgroep-atlete beloop N$350 per individu of N$300 per spanlid. Elkeen sal spesiale geskenkpakke sowel as spesiale T-hemde kry, en die podiumwenners kry spesiale ATU-medaljes.
Vir elite atlete beloop die inskrywings egter 250 Amerikaanse dollar (N$3 545), aangesien hulle in aanmerking kom vir die prysgeld van US$3 000 (meer as N$42 000) wat eweredig tussen die topdrie mans en topdrie vroue verdeel word.
Elite atlete vanuit verskeie wêrelddele sal meeding om punte ter kwalifisering vir die 2020 Olimpiese Spele te verkry. Tot dusver het 13 elite driekampatlete ingeskryf – onder meer van die VSA, Duitsland, Sirië, Marokko, Jordanië, Suid-Afrika en uiteraard Namibië.
Daar sal twee hoofkategorieë wees, naamlik Elites en Ouderdomsgroepe (onderverdeel in individuele ouderdomskategorieë vir seniors, subveterane, veterane, meesters, grootmeesters, junior en jeug). Spanne is ook welkom om in te skryf.
Die elite groep sal die standaard afstand takel, naamlik 1.5 km swem, 40 km fietsry en 10 km hardloop.
Individue wat in hul ouderdomsgroep meeding, asook spanne sal hul vermoëns oor die Sprint-afstand (750 meter swem, 20 km fietsry, 5 km hardloop) kan toets.
Die verkorte afstand vir ouderdomsgroepe is ingevolge die wêreldbeheerliggaam (ITU) se veiligheidsreëls, want dit kan dalk op Mariental te warm wees om die ouderdomsgroep-atlete die volle afstand te laat aflê.
Aangesien die elite atlete die veld vir hulself moet hê, sal dié groep eerste wegspring.
In die jeugkategorie (11-15 jaar) sal die Super Sprint-afstand van 400 m swem, 10 km fietsry en 2.5 km hardloop aangepak word.
Inskrywings vir alle elite atlete, mededingers in elke ouderdomsgroepe asook spanne is nog oop en veral Namibiërs word aangemoedig om die gebeurtenis te ondersteun.
Om in te skryf, kan die webskakel www.otbsport.com/events/34-content/572-mariental-atu gevolg word.
Spesiale vervoerreëlings vir atlete kan gedoen word deur besprekings by die byeenkoms se strategiese vennoot Horizon Windhoek Transfers te doen.
Besprekings vir verblyf is by Hardapdam, of plekke naby aan Mariental geleë, beskikbaar.
Inskrywingsgeld vir vanjaar vir die ouderdomsgroep-atlete beloop N$350 per individu of N$300 per spanlid. Elkeen sal spesiale geskenkpakke sowel as spesiale T-hemde kry, en die podiumwenners kry spesiale ATU-medaljes.
Vir elite atlete beloop die inskrywings egter 250 Amerikaanse dollar (N$3 545), aangesien hulle in aanmerking kom vir die prysgeld van US$3 000 (meer as N$42 000) wat eweredig tussen die topdrie mans en topdrie vroue verdeel word.
Kommentaar
Republikein
Geen kommentaar is op hierdie artikel gelaat nie