iPhone-verkope styg
Ten spyte van ’n moeilike paar maande agter die rug het ’n navorsingsmaatskappy bevind dat Apple in die vierde kwartaal vir Samsung verbygesteek het as die grootste vervaardiger van slimfone ter wêreld.
Volgens ’n peiling deur die Internasionale Datakorporasie (IDC) het Apple 77,3 miljoen slimfone verkoop, gelykstaande aan 19,2% van die markaandeel.
Samsung het in dieselfde tydperk 74,1 miljoen toestelle verkoop, met ’n markaandeel van 18,4%.
Apple is die afgelope paar maande onder druk nadat dit aan die lig gekom het die maatskappy maak ouer slimfoonmodelle doelbewus stadiger weens ’n batteryprobleem.
Die maatskappy het intussen aangekondig dat alle gebruikers van ouer iPhone-modelle kwalifiseer vir spesiale afslag om hul slimfoon se battery te vervang. In Suid-Afrika sal ’n nuwe battery jou teen die spesiale tarief sowat R430 uit die sak jaag.
Oor die naweek het Apple bekend gemaak dat nog probleme met van sy toestelle aandag kry. In ’n verklaring op sy webwerf sê die maatskappy hy is bewus van ’n “klein persentasie” iPhone 7-modelle wat weens ’n fabrieksfout nie aan ’n sellulêre netwerk kan verbind nie. Dié toestelle wys “no service”, al is hulle in ’n gebied met ’n selfoonsein.
Die fout is weens ’n probleem op die foon se moederbord, het Apple erken.
Volgens die tegnologiereus is die spesifieke fone tussen September 2016 en Februarie 2018 vervaardig en in China, Hongkong, Japan, Macao en Amerika verkoop.
Die nuwe iPhone X-gogga maak dat gebruikers se fone hoorbaar lui, maar geen besonderhede verskyn op die slimfoon se skerm nie.
Gebruikers van ’n iPhone 7 wat seinprobleme ervaar, kan hul foon gratis laat regmaak, mits ander probleme soos ’n gekraakte skerm vooraf reggemaak word, het die maatskappy aangekondig.
Intussen berig die Financial Times dat Apple ook ondersoek instel na ’n nuwe probleem wat sy jongste toestel, die iPhone X, raak. Talle gebruikers het hul misnoeë te kenne gegee dat ’n gogga maak dat die iPhone X nie oproepe kan ontvang nie.
Die gogga maak dat gebruikers se fone hoorbaar lui, maar geen besonderhede verskyn op die slimfoon se skerm nie. Oproepe kan derhalwe nie beantwoord word nie.
Volgens die webwerf Mashable is dit nog nie duidelik hoe wydverspreid die probleem is nie, maar dis glo ’n “yslike irritasie” vir diegene wat daardeur geraak word. Inskrywings op Apple se tegniese hulpblad wys dat die probleem al sedert Desember voorkom.
Die maatskappy het bevestig hy ondersoek die fout en het gebruikers aangeraai om solank hul foon se bedryfstelsel te herinstalleer uit iTunes.
Apple moes ook vroeër bontstaan om ’n probleem met die iPhone X te herstel wat die foon laat vries het in koue temperature.
Slimfoonverkope het oor die Kerstydperk met 6,3% gedaal, vergeleke met verlede jaar. Kenners sê dit is omdat gebruikers minder gereeld opgradeer na die jongste toestelle en dit as ’n luuksheid, eerder as ’n noodsaaklikheid, beskou. – Netwerk24 Bronne: Financial Times, Fin24, Mashable
Volgens ’n peiling deur die Internasionale Datakorporasie (IDC) het Apple 77,3 miljoen slimfone verkoop, gelykstaande aan 19,2% van die markaandeel.
Samsung het in dieselfde tydperk 74,1 miljoen toestelle verkoop, met ’n markaandeel van 18,4%.
Apple is die afgelope paar maande onder druk nadat dit aan die lig gekom het die maatskappy maak ouer slimfoonmodelle doelbewus stadiger weens ’n batteryprobleem.
Die maatskappy het intussen aangekondig dat alle gebruikers van ouer iPhone-modelle kwalifiseer vir spesiale afslag om hul slimfoon se battery te vervang. In Suid-Afrika sal ’n nuwe battery jou teen die spesiale tarief sowat R430 uit die sak jaag.
Oor die naweek het Apple bekend gemaak dat nog probleme met van sy toestelle aandag kry. In ’n verklaring op sy webwerf sê die maatskappy hy is bewus van ’n “klein persentasie” iPhone 7-modelle wat weens ’n fabrieksfout nie aan ’n sellulêre netwerk kan verbind nie. Dié toestelle wys “no service”, al is hulle in ’n gebied met ’n selfoonsein.
Die fout is weens ’n probleem op die foon se moederbord, het Apple erken.
Volgens die tegnologiereus is die spesifieke fone tussen September 2016 en Februarie 2018 vervaardig en in China, Hongkong, Japan, Macao en Amerika verkoop.
Die nuwe iPhone X-gogga maak dat gebruikers se fone hoorbaar lui, maar geen besonderhede verskyn op die slimfoon se skerm nie.
Gebruikers van ’n iPhone 7 wat seinprobleme ervaar, kan hul foon gratis laat regmaak, mits ander probleme soos ’n gekraakte skerm vooraf reggemaak word, het die maatskappy aangekondig.
Intussen berig die Financial Times dat Apple ook ondersoek instel na ’n nuwe probleem wat sy jongste toestel, die iPhone X, raak. Talle gebruikers het hul misnoeë te kenne gegee dat ’n gogga maak dat die iPhone X nie oproepe kan ontvang nie.
Die gogga maak dat gebruikers se fone hoorbaar lui, maar geen besonderhede verskyn op die slimfoon se skerm nie. Oproepe kan derhalwe nie beantwoord word nie.
Volgens die webwerf Mashable is dit nog nie duidelik hoe wydverspreid die probleem is nie, maar dis glo ’n “yslike irritasie” vir diegene wat daardeur geraak word. Inskrywings op Apple se tegniese hulpblad wys dat die probleem al sedert Desember voorkom.
Die maatskappy het bevestig hy ondersoek die fout en het gebruikers aangeraai om solank hul foon se bedryfstelsel te herinstalleer uit iTunes.
Apple moes ook vroeër bontstaan om ’n probleem met die iPhone X te herstel wat die foon laat vries het in koue temperature.
Slimfoonverkope het oor die Kerstydperk met 6,3% gedaal, vergeleke met verlede jaar. Kenners sê dit is omdat gebruikers minder gereeld opgradeer na die jongste toestelle en dit as ’n luuksheid, eerder as ’n noodsaaklikheid, beskou. – Netwerk24 Bronne: Financial Times, Fin24, Mashable
Kommentaar
Republikein
Geen kommentaar is op hierdie artikel gelaat nie