Irak neem Kirkoek in

Irakse veiligheidsmagte het gister (Maandag) die stad, Kirkoek verower en beheer oor regeringsgeboue geneem, het ‘n plaaslike veiligheidsbron aan Xinhua gesê. Die Amerikaans-geleide koalisie, wat teen die Islamitiese Staat-groep (IS) veg, het gister ‘n beroep op Bagdad en Irakse Koerde gedoen om “die eskalasie van aksie” te vermy. Die Irakse operasie volg na weke se spanning tussen Amerikaanse bondgenote wat saam teen IS veg, om die strategiese olie- en militêre terreine in Kirkuk oor te neem. Irakse Koerde het verlede maand in ‘n referendum oorweldigend vir onafhanklikheid van die noordelike streek gestem. Foto Nampa/Reuters