Jarmann verloor sy Afrika-titel
Boks
Andrew Poolman
Die Namibiese bokser Anthony Jarmann het Dinsdagaand sy titelgeveg in Gaborone teen Hassan Mwakinyo van Tanzanië met ’n tegniese uitklophou in die tiende ronde verloor.
Die Windhoeker moes dus sy superweltergewig Afrika-gordel van die Wêreldboksvereniging (WBA) afstaan wat hy in Mei verlede jaar gewen en sedertdien twee maal suksesvol verdedig het.
Sy promotor, Kinda Nangolo, het gister aan die koerant gesê dit was ’n aanskoulike geveg en Jarmann het dit tot in daardie stadium oorheers en was die voorloper op al die tellinghouers se kaarte.
Jarmann sê die Tanzaniër het hom in ’n vroeë ronde platgeslaan, maar die Namibiër het daarna ook twee of drie keer sy opponent se knieë laat knak en tellings van die skeidsregter laat aanhoor.
“In die tiende ronde het hy my met een skoon hou gevang en ek het op die krytvloer geval. Die skeidsregter het die geveg beëindig sonder ’n telling, terwyl ek besig was om op te staan.”
Jarmann sê hoewel hy effens langer as sy opponent was, is Mwakinyo ’n harde slaner met spoed, wat ook intelligent kan boks. “Hoewel Gaborone vir ons albei ’n neutrale venue was, het ek hard probeer om hom in elke ronde op die agtervoet te dwing om die tellinghouers in my guns te oortuig.
“Dalk het ek teen die einde ’n bietjie té oorhaastig geraak. Miskein as ek my eie afrigter in my hoek gehad het, sou ek dalk die raad gehoor het dat ek met punte voorloop en kan bekostig om hom met steekhoue op ’n afstand te hou – eerder as heeltyd aan te val wat vir jou ook risiko inhou.”
Nangolo sê: “Jarmann is nie beseer nie, maar die skeidsregter het die regte beslissing gemaak en ons het nie klagte oor die uitslag nie.”
Volgens Nangolo sal hy en Jarmann saam op sy volgende skuif besluit, met ’n herontmoeting teen die Tanzaniër een van die sterk moontlikhede indien besluit word om dié klousule in die kontrak af te dwing.
Met veertien oorwinnings en na dese twee nederlae, het Jarmann steeds ’n gunstige vertoningslys vandat hy in 2010 die professionele arena betree het.
Mwakinyo se beroepsrekord, volgens boxrec, het tevore op sewe oorwinnings en een nederlaag gestaan.
Die Namibiese bokser Anthony Jarmann het Dinsdagaand sy titelgeveg in Gaborone teen Hassan Mwakinyo van Tanzanië met ’n tegniese uitklophou in die tiende ronde verloor.
Die Windhoeker moes dus sy superweltergewig Afrika-gordel van die Wêreldboksvereniging (WBA) afstaan wat hy in Mei verlede jaar gewen en sedertdien twee maal suksesvol verdedig het.
Sy promotor, Kinda Nangolo, het gister aan die koerant gesê dit was ’n aanskoulike geveg en Jarmann het dit tot in daardie stadium oorheers en was die voorloper op al die tellinghouers se kaarte.
Jarmann sê die Tanzaniër het hom in ’n vroeë ronde platgeslaan, maar die Namibiër het daarna ook twee of drie keer sy opponent se knieë laat knak en tellings van die skeidsregter laat aanhoor.
“In die tiende ronde het hy my met een skoon hou gevang en ek het op die krytvloer geval. Die skeidsregter het die geveg beëindig sonder ’n telling, terwyl ek besig was om op te staan.”
Jarmann sê hoewel hy effens langer as sy opponent was, is Mwakinyo ’n harde slaner met spoed, wat ook intelligent kan boks. “Hoewel Gaborone vir ons albei ’n neutrale venue was, het ek hard probeer om hom in elke ronde op die agtervoet te dwing om die tellinghouers in my guns te oortuig.
“Dalk het ek teen die einde ’n bietjie té oorhaastig geraak. Miskein as ek my eie afrigter in my hoek gehad het, sou ek dalk die raad gehoor het dat ek met punte voorloop en kan bekostig om hom met steekhoue op ’n afstand te hou – eerder as heeltyd aan te val wat vir jou ook risiko inhou.”
Nangolo sê: “Jarmann is nie beseer nie, maar die skeidsregter het die regte beslissing gemaak en ons het nie klagte oor die uitslag nie.”
Volgens Nangolo sal hy en Jarmann saam op sy volgende skuif besluit, met ’n herontmoeting teen die Tanzaniër een van die sterk moontlikhede indien besluit word om dié klousule in die kontrak af te dwing.
Met veertien oorwinnings en na dese twee nederlae, het Jarmann steeds ’n gunstige vertoningslys vandat hy in 2010 die professionele arena betree het.
Mwakinyo se beroepsrekord, volgens boxrec, het tevore op sewe oorwinnings en een nederlaag gestaan.
Kommentaar
Republikein
Geen kommentaar is op hierdie artikel gelaat nie