Jeffery se plek kan niemand volstaan
Rugby en krieket was twee van die vernaamste sporte waarin hy op administratiewe vlak groot bydraes gelewer het.
Andrew Poolman – 'n Rots en 'n seder wat geval het, is net sommige van die beskrywings waarmee die sportgemeenskap die verlies van die vermaarde sportadministrateur mnr. Werner Jeffery sedert sy afsterwe Saterdagaand probeer verwoord.
Die spore van die 64-jarige boorling van Mosselbaai in die Suid-Kaap op verskeie vlakke van sportadministrasie sal nog lank bly lê in sy aangenome land Namibië.
Covid-19 het Saterdag die laaste asem geneem van die Universiteit van Namibië se jarelange hoof van die sportdepartement. Ten tyde van sy dood was hy ook 'n lid van die Namibiese Sportkommissie.
Hy was van voorneme om einde vanjaar af te tree en na Mosselbaai terug te keer. Hy het die laaste tyd gedurende die pandemie van die huis af gewerk, maar het laas Maandag laat blyk dat hy en sy hele gesin positief vir die virus getoets het en in isolasie is.
As 'n jong man was Jeffery 'n ywerige sportman wat in die apartheidsera vir SWD in beide krieket en rugby op provinsiale vlak meegeding het. In Namibië het hy ook in die laat 1990's steeds as 'n draaibouler klubkrieket vir Unam gespeel.
In Namibië het hy 'n goeie regruktaak verrig ná die rampspoedige eerste deelname aan die onder 19 Wêreldbeker-kriekettoernooi in 1998 in Suid-Afrika, onder afrigterskap van die eertydse Suid-Afrikaanse veelsydige speler wyle Tiger Lance. Dié span het al sy wedstryde – selfs teen Denemarke – verloor.
Vier jaar later was Jeffery egter as afrigter aan die stuur vir die o.19 WB-toernooi in Nieu-Seeland. Dié keer het die jong Namibiërs, danksy 'n veelsydige vertoning deur Burton van Rooi (4/27 en 29*) 'n opspraakwekkende oorwinning teen Sri Lanka as 'n toetsspelende nasie, asook teen Skotland en Kanada verseker. Van Rooi en die spankaptein Stephan Swanepoel het die volgende jaar die senior nasionale span by sy enigste eendag-Wêreldbekerverskyning tot dusver verteenwoordig.
Sedert sy toetrede tot rugby-administrasie – eers by Western Suburbs en later Unam – het hy nooit teruggedeins om standpunt in te neem wanneer politieke twiste in die raadsale uitgebreek het nie.
As administrateur het hy ewe veel bevrediging geput uit die sukses wat die Tisan-toerspanne (Vereniging van Tersiêre Sportinstellings in Namibië) oorsee in sewesrugby en in netbal bereik het.
Sy rol agter die skerms om die Universiteit van Namibië se rugbyspan sedert 2015 'n krag in die premierliga te maak, sal waarskynlik een van sy mees blywende nalatenskappe wees.
Nadat Unam tevore nooit vir 'n semifinaal kon kwalifiseer nie, het Jeffery 'n belangrike rol gespeel om Johan Diergaardt (tevore van Suburbs) na die studenteklub te lok, wat met drie opeenvolgende titels (2015, 2016, 2017) die toonaangewende klub geword het.
HULDEBLYKE
Jeffery se menseverhoudinge en sportkennis het by Unam gefloreer, met sommige van die klub se rugbyspelers wat met tye in sy huis gewoon het. Namate die rugbyklub die kruin van die golf begin ry het, het die ondersteunersklub wat hulself die Red Army noem, ook toenemend 'n faktor geword wat dinge vir die opposisie baie moeilik gemaak het.
Johan Diergaardt, afrigter van Unam-rugby, het gister in sy huldeblyk geskryf: “Ons eer jou nagedagtenis; rus in vrede my vriend en mentor, Werner Jeffery. Die kombinasie was goed, jou legacy sal ons lewendig hou, jou oneindige wil om spelers se welsyn na te kyk, sal voortgaan. Ons salueer jou vir wie jy was, nooit probeer om iemand anders te wees nie.”
Lesley Klim, vleuel van Namibië wat tans by Jersey Reds in Engeland gekontrakteer is, sê hy is hartgebroke oor die verlies van “ons alles”.
“Hierdie man het letterlik die wêreld vir ons beteken. Hy het my vleuels gegee en gehelp om my drome waar te maak. Hy het in my gesien wat ek nie in myself raakgesien het nie en het vir soveel andere ook die weg gebaan.
“My mees innige meegevoel met die Jeffery-familie. Coach het soveel lewens aangeraak en verander en vandag is ons almal dankbaar vir al die lesse en goeie herinneringe.”
Roderique Victor, staatmaker-losvoorspeler van Western Suburbs, het geskryf: “Jisi.. this is probably one of the hardest news to take in. Go well uncle Werner Jeffery, jou ondersteuning vir baie rugbyspelers in Namibië sal nooit vergeet word nie.
“Ek onthou 2008 soos gister, ons eerste ontmoeting en die groot impak wat uncle in my rugbyloopbaan gemaak het. So groot dat ons daai jaar by Western Suburbs ons eerste ligatitel gewen het. Ek is baie dankbaar vir alles. Dankie... groot dankie! Ons sal vir uncle verlang.”
Jeffery laat sy vrou Olivia, ses kinders (Deon, Caryne, Robyne, Tamsyn, Werner Junior en Jaden) asook nege kleinkinders agter.
FOTO
Werner Jeffery en sy vrou Olivia. Foto’s Facebook
Werner Jeffery (regs) en FNB Unam se hoofafrigter Johan Diergaardt met die NRU premierliga-trofee.
Die spore van die 64-jarige boorling van Mosselbaai in die Suid-Kaap op verskeie vlakke van sportadministrasie sal nog lank bly lê in sy aangenome land Namibië.
Covid-19 het Saterdag die laaste asem geneem van die Universiteit van Namibië se jarelange hoof van die sportdepartement. Ten tyde van sy dood was hy ook 'n lid van die Namibiese Sportkommissie.
Hy was van voorneme om einde vanjaar af te tree en na Mosselbaai terug te keer. Hy het die laaste tyd gedurende die pandemie van die huis af gewerk, maar het laas Maandag laat blyk dat hy en sy hele gesin positief vir die virus getoets het en in isolasie is.
As 'n jong man was Jeffery 'n ywerige sportman wat in die apartheidsera vir SWD in beide krieket en rugby op provinsiale vlak meegeding het. In Namibië het hy ook in die laat 1990's steeds as 'n draaibouler klubkrieket vir Unam gespeel.
In Namibië het hy 'n goeie regruktaak verrig ná die rampspoedige eerste deelname aan die onder 19 Wêreldbeker-kriekettoernooi in 1998 in Suid-Afrika, onder afrigterskap van die eertydse Suid-Afrikaanse veelsydige speler wyle Tiger Lance. Dié span het al sy wedstryde – selfs teen Denemarke – verloor.
Vier jaar later was Jeffery egter as afrigter aan die stuur vir die o.19 WB-toernooi in Nieu-Seeland. Dié keer het die jong Namibiërs, danksy 'n veelsydige vertoning deur Burton van Rooi (4/27 en 29*) 'n opspraakwekkende oorwinning teen Sri Lanka as 'n toetsspelende nasie, asook teen Skotland en Kanada verseker. Van Rooi en die spankaptein Stephan Swanepoel het die volgende jaar die senior nasionale span by sy enigste eendag-Wêreldbekerverskyning tot dusver verteenwoordig.
Sedert sy toetrede tot rugby-administrasie – eers by Western Suburbs en later Unam – het hy nooit teruggedeins om standpunt in te neem wanneer politieke twiste in die raadsale uitgebreek het nie.
As administrateur het hy ewe veel bevrediging geput uit die sukses wat die Tisan-toerspanne (Vereniging van Tersiêre Sportinstellings in Namibië) oorsee in sewesrugby en in netbal bereik het.
Sy rol agter die skerms om die Universiteit van Namibië se rugbyspan sedert 2015 'n krag in die premierliga te maak, sal waarskynlik een van sy mees blywende nalatenskappe wees.
Nadat Unam tevore nooit vir 'n semifinaal kon kwalifiseer nie, het Jeffery 'n belangrike rol gespeel om Johan Diergaardt (tevore van Suburbs) na die studenteklub te lok, wat met drie opeenvolgende titels (2015, 2016, 2017) die toonaangewende klub geword het.
HULDEBLYKE
Jeffery se menseverhoudinge en sportkennis het by Unam gefloreer, met sommige van die klub se rugbyspelers wat met tye in sy huis gewoon het. Namate die rugbyklub die kruin van die golf begin ry het, het die ondersteunersklub wat hulself die Red Army noem, ook toenemend 'n faktor geword wat dinge vir die opposisie baie moeilik gemaak het.
Johan Diergaardt, afrigter van Unam-rugby, het gister in sy huldeblyk geskryf: “Ons eer jou nagedagtenis; rus in vrede my vriend en mentor, Werner Jeffery. Die kombinasie was goed, jou legacy sal ons lewendig hou, jou oneindige wil om spelers se welsyn na te kyk, sal voortgaan. Ons salueer jou vir wie jy was, nooit probeer om iemand anders te wees nie.”
Lesley Klim, vleuel van Namibië wat tans by Jersey Reds in Engeland gekontrakteer is, sê hy is hartgebroke oor die verlies van “ons alles”.
“Hierdie man het letterlik die wêreld vir ons beteken. Hy het my vleuels gegee en gehelp om my drome waar te maak. Hy het in my gesien wat ek nie in myself raakgesien het nie en het vir soveel andere ook die weg gebaan.
“My mees innige meegevoel met die Jeffery-familie. Coach het soveel lewens aangeraak en verander en vandag is ons almal dankbaar vir al die lesse en goeie herinneringe.”
Roderique Victor, staatmaker-losvoorspeler van Western Suburbs, het geskryf: “Jisi.. this is probably one of the hardest news to take in. Go well uncle Werner Jeffery, jou ondersteuning vir baie rugbyspelers in Namibië sal nooit vergeet word nie.
“Ek onthou 2008 soos gister, ons eerste ontmoeting en die groot impak wat uncle in my rugbyloopbaan gemaak het. So groot dat ons daai jaar by Western Suburbs ons eerste ligatitel gewen het. Ek is baie dankbaar vir alles. Dankie... groot dankie! Ons sal vir uncle verlang.”
Jeffery laat sy vrou Olivia, ses kinders (Deon, Caryne, Robyne, Tamsyn, Werner Junior en Jaden) asook nege kleinkinders agter.
FOTO
Werner Jeffery en sy vrou Olivia. Foto’s Facebook
Werner Jeffery (regs) en FNB Unam se hoofafrigter Johan Diergaardt met die NRU premierliga-trofee.
Kommentaar
Republikein
Geen kommentaar is op hierdie artikel gelaat nie