Jong huiswerker vas wat baba ná badgeboorte glo vermoor
‘n Huiswerker van Windhoek wat na bewering haar pasgebore baba in ‘n plastieksak toegedraai en later die lyfie oopgesny en die ingewande verwyder het, is vandag op ‘n klag van moord en regsverydeling in hegtenis geneem.
Adj.komm. Kauna Shikwambi, nasionale polisiewoordvoerder, het pas bekend gemaak die voorval het tussen Saterdag en Sondag in die huis van die beskuldigde se werkgewer plaasgevind.
Die 26-jarige huiswerker het glo in ‘n bad in dié huis in Islandstraat, Rocky Crest, geboorte geskenk, waarna sy haar baba na bewering in ‘n plastieksak toegedraai en in die hangkas in haar slaapkamer weggesteek het.
Ná ‘n tyd het sy die lykie na bewering uit die kas gehaal en die ingewande verwyder. Sy het dit glo in ‘n asdrom gegooi en die lykie weer in die kas gebêre.
Volgens Shikwambi het die werkgewer Maandag ‘n slegte reuk by die huis waargeneem. Sy het die huiswerker se kamer deursoek en na bewering op die plastieksak met die oopgesnyde lykie afgekom.
Die polisie is ontbied en die ingewande is later in ‘n asdrom gevind, sê sy.
Die polisie se ondersoek duur voort.
Adj.komm. Kauna Shikwambi, nasionale polisiewoordvoerder, het pas bekend gemaak die voorval het tussen Saterdag en Sondag in die huis van die beskuldigde se werkgewer plaasgevind.
Die 26-jarige huiswerker het glo in ‘n bad in dié huis in Islandstraat, Rocky Crest, geboorte geskenk, waarna sy haar baba na bewering in ‘n plastieksak toegedraai en in die hangkas in haar slaapkamer weggesteek het.
Ná ‘n tyd het sy die lykie na bewering uit die kas gehaal en die ingewande verwyder. Sy het dit glo in ‘n asdrom gegooi en die lykie weer in die kas gebêre.
Volgens Shikwambi het die werkgewer Maandag ‘n slegte reuk by die huis waargeneem. Sy het die huiswerker se kamer deursoek en na bewering op die plastieksak met die oopgesnyde lykie afgekom.
Die polisie is ontbied en die ingewande is later in ‘n asdrom gevind, sê sy.
Die polisie se ondersoek duur voort.
Kommentaar
Republikein
Geen kommentaar is op hierdie artikel gelaat nie