Juwele slyp vir Kaapstad

Tielman van Lill – Netbal Namibië het ná suksesvolle proewe met 30 spelers die afgelope naweek sy senior nasionale span bekend gemaak wat van 24 tot 31 Maart in Suid-Afrika gaan deelneem.Suid-Afrika se senior Proteas, ’n SA Presidentspan, die Baba Proteas (o.21), Uganda met sy senior en o.21-vroue asook Namibië sal in die 2021 Spar Uitdaagtoernooi in Kaapstad betrokke wees. Aangesien Namibië se Desert Jewels laas op 26 Oktober 2019 in Singapoer by die finaal van die M1-Sesnasiesbeker in aksie was, sal dié internasionale deelname ’n strawwe toets vir hulle wees.In Singapoer was Namibië in die finaal teen die gasheerspan ná die eerste kwart voor (11-10), maar rustyd agter met 20-25. Ná die derde kwart was die telling 33-elk. Die seëvierende Woestynjuwele het egter in die laaste kwart met mening verdedig en met 16 doele getref om Singapoer met 49-42 te oorrompel en die gesogte trofee te beklink.Namibië en die gasheerspan het ook in die openingswedstryd gebots en met 54-elk gelyk geëindig.Die Juwele is gelukkig om nou ’n stewige kerngroep van sewe spelers te hê wat laas in Singapoer die landsvlag hoog laat wapper het. ’n Nuwe toevoeging is die gewese Windhoek Gimnasium-speler Juzelri Garbers, wat aan Tuks in Pretoria studeer en vir die Gauteng Golden Fireballs op provinsiale vlak woeker.Die sewe gerekende spelers met internasionale ondervinding is: Jaumbuaije (Bytjie) Zauana, Anna Kaspar, Cathline Tjihero, Loide Hanyanya, Anna Shipanga, Emmy Katuko en Venyekerera Maharero.Suid-Afrika word tans deur die Internasionale Netbalfederasie (INF) as die vyfde beste ter wêreld gereken, terwyl Uganda sewende is met Namibië in die 23ste posisie ná Malawi (sesde), Zimbabwe (12de) en Zambië (15de). Australië (1), Nieu-Seeland (2), Engeland (3) en Jamaika (4) is saam met die RSA die topvyf op die INF wêreldranglys wat einde 2020 vrygestel is.Die span van 12 lede is: Eve Kamutushi, Cathline Tjihero, Anna Kaspar, Anna Shipanga, Loide Hanyanya, Selma Bittler, Monica Gomases, Emmy Kutako, Jaumbuaije (Bytjie) Zauana, Juzelri Garbers, Mulenamaswe Mwale, Venyekerera Maharero. Nie-reisende reserwes: Rachelle Roets, Jessica Moolman en Corry Mupenda.HARD GEBREIHoofafrigter Julene Meyer is gelukkig met haar spelersgroep en die vordering sover.“Met die verloop van die proewe is ek baie tevrede. Dis ’n baie gebalanseerde groep wat gekies is om elke posisie te dek. Die spelers is fiks en goed gekondisioneer, met ’n goeie mengsel van ervaring en jeug.“Ons het twee baie harde weke agter die rug waar baie druk op die spelers se bene geplaas was. Ek vermoed weens die aantal wedstryde wat in die Kaap voorlê, sal ons soms twee keer per dag moet speel. Dus moes ons seker maak die spelers is gewoond daaraan om vir twee kragmetings te speel. “Die tweede fase is om die spelers gewoond te maak om tussen wedstryde te herstel en moet dus dieselfde omstandighede geskep word. Hul liggame moet gewoond raak om in dieselfde tydperk genoegsaam te herstel om die beste moontlike vertoning te lewer.“Ons fokus nou daarop om spelpatrone en strategie te vestig sodat spelers se ritme nie versteur word nie. Die regte asook verskeie kombinasies moet vasgestel word om na plan B, C of D oor te gaan as plan A nie werk nie.“Die spelpatrone van Suid-Afrika en Uganda sal sorgvuldig bestudeer word. Ons spelers het 18 maande laas gespeel en ek dink hulle is self baie nuuskierig om vas te stel hoe hulle intussen ontwikkel en gegroei het.“Ons sien almal baie uit om deel te neem. Daar lê nog baie harde werk voor, maar ek is regtig tevrede wat ons tot dusver met die voorbereidings bereik het,” het Meyer aan die koerant gesê. – tielman@republikein.com.na

Juwele slyp vir Kaapstad

Kommentaar

Republikein 2025-04-21

Meld asseblief aan om kommentaar te lewer

Juwele slyp vir Kaapstad

Kommentaar

Republikein 2025-04-21

Meld asseblief aan om kommentaar te lewer

MELD AAN

Advertensie