Kalender 17 Mei

Nou aan die gang» Vanaand is die immer gewilde Windhoek City Market weer aan die gang. Geniet ’n onbeperkte vonkelwynproe van verskeie wynkelders uit Suid-Afrika. Die mark is die ideale plek waar jy ná ’n besige week jou skoene kan uitskop en lekker kos en wyn onder die Namibiese sterre kan geniet. Die mark bied ’n verskeidenheid kos- en dekorstalletjies. Daar is ook ’n kinderarea. Stalletjies bied plaaslike en internasionale juwele, leerprodukte, klere, skoene en dekor. Toegang kos N$40 vir volwassenes, of N$90 as jy ’n proeglas daarby wil insluit. Kinders onder 16 se toegang is gratis» Blumfelde Boerevereniging en Robertson Round Table span vanaand kragte saam om van die beste wyne uit die mooie Wes-Kaap Windhoek toe te bring om opgeveil te word. Daar sal heerlike kos en ’n lekker dans ná afloop van die veiling wees. Kostes beloop N$2 000 per tafel (N$200 per persoon). Bespreek jou tafel by Mia by 081 211 7973 of Pedri by 081 411 0467.» Sluit vanaand by die Komisch-familie aan vir ’n spesiale, eksklusiewe sessie van Komisch by die Sky Lounge en Café (op Eros-lughawe). Die aand sal met drankies en versnaperinge afskop, terwyl jy die sonsondergang geniet. SMI, Ace Da Bass, Jared G, Nedlecka & Travison sal die gehoor tydens die geleentheid met hul oorspronklike klanke vermaak. Die venue kan net 150 mense huisves, en kaartjies word by die deur verkoop, so moenie sloer nie. ? » Die Stephanus-kerk by Kenneth Kaundastraat 3, in Klein Windhoek, bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak of plaaslik gekweek. Maandag» Showcase Namibia is 'n geleentheid vir toeriste en Namibiërs om tradisionele danse en plaaslike musiek saam te geniet. Dis ’n gereelde instelling by die Warehouse-teater en word elke Dinsdag aangebied. Toeriste word aangemoedig om deel te raak van ’n interaktiewe show van 45 minute. Kaartjies is teen N$170 by die deur beskikbaar. Dit begin om 16:15. Vir meer inligting, besoek die Warehouse-teater se Facebook-blad. » Die Kunsvereniging op Swakopmund bied Symphony of Colours aan. Dié groepuitstalling is tans by die Woermannhaus-galery. Ondersteun plaaslike kunstenaars en waardeer hul wonderlike, oorspronklike kuns.Dinsdag» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by die restaurant beskikbaar.» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.» Die Nasionale Kunsgalery van Namibië (NAGN) nooi alle kunsliefhebbers uit om vanaand die solo-uitstalling Metaphor, deur die Namibiese beeldende kunstenaar Alfeus Mvula, te besoek. “Mvula se kuns word deur sy persoonlike lewe en vroeë ervarings in Namibië beïnvloed,” sê dr. Meredith Palumbo in die inleiding vir sy katalogus genaamd Identity. Sy voer verder aan: “Die onderwerp van sy kuns verwys na sy landelike wortels en sluit uitbeeldings van beeste, tradisionele voorwerpe, Afrikarokke en die landskappe van die Noorde in.” Die uitstalling het ’n kragtige metafoor vir Namibiërs geword. Mvula sê: “Die kop is deel van die liggaam; die kop is iemand in beheer van ’n groep; kop is die plek van ons verstand en verstandelike vermoëns”. Metaphor is tot 22 Junie by die NAGN te sien. Woensdag» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare dromslaansessie in die boma by Joe’s aan. Almal is welkom. ’n Beperkte aantal djembe-dromme word voorsien, maar entoesiastiese dromslaners word aangemoedig om hul eie dromme saam te bring. Die sessies is gratis, maar skenkings is welkom. » NAM Comedy Circle is vanaand terug by die Hilton Kalabar. Volgende aan die beurt is Tapiwa Makasa, Kris with a K en Lloyd. Toegang is gratis en die show begin om 19:30.Donderdag» Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.

Kalender 17 Mei

Kommentaar

Republikein 2025-04-04

Meld asseblief aan om kommentaar te lewer

Kalender 17 Mei

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie