Kalender 23 Maart

Nou aan die gang» Die jong en opkomede kunstenaar Rozanne Visagie stel Divercity bekend. Hierdie uitstalling is van vandag af tot 9 Mei by die Franko-Namibiese Kultuursentrum (FNCC) se restaurant te sien. Rozanne se werk bestaan uit die kombinasie van verskillende mediums en hoe dit met mekaar reageer. Sy maak gebruik van penne, potlode, waterverf en pastelle. Toegang is gratis en kinders is welkom. Besoek die FNCC se Facebook-blad vir meer inligting. » Look-See is ‘n groepuitstalling wat tans by die StArt Art-galery in Macadamstraat te sien is. Hierdie uitstalling vertoon die werk van beeldende en uitvoerende kunstenaars. Look-See weerspieël abstrakte kuns en kombineer die werk van agt visuele en twee uitvoerende kunstenaars. Onder meer is die werke van Diana Berner, Nicky Marais, Francios de Necker, Laimi Mbangula, Homateni Ilovu, Tony Figueira, Rudolf Seibeb en Elisia Mghidishange in dié uitstalling te sien. Look-See kan Dinsdae tot Saterdae by die StArt Art-galery besoek word. Die uitstalling duur tot 12 April. Vir meer inligting, besoek hulle op Instagram of Facebook. » Die FNCC bied môre om 17:00 ‘n kosmark aan. Sluit aan by 'n fantastiese feesmaal, selfs al praat jy nie Frans nie. Daar is iets vir almal! Foodies kan kulinêre spesialiteite van Franssprekende lande dwarsoor die wêreld verwag, asook van ander Afrika-lande en Namibië! Die mark sal daarop gemik wees om die diversiteit van die Franse wêreld te bevorder deur middel van 'n wye verskeidenheid tradisionele kosse. Die toegang is N$60 vir volwassenes en N$30 vir kinders onder 12. Kaartjies is by die ingang te koop. » As deel van die kosmark môre by die FNCC kan markgangers ook uitsien na ‘n fantastiese musiekkonsert. Met hul eerste Namibiese konsert gaan die Franse band Dark Blue Orchestra vermaak verskaf. Plaaslike Namibiese kunstenaars sal by hulle aanlsuit, onder meer Dolar, Shungu, Four by Four en Sean K, wenner van die "FNCC vlieg na Frankryk"–kompetisie. Die Dark Blue Orchestra se musiekstyl word as kabaretrock geklassifiseer en vertel die verhale van liefde, verlossing en alles wat tussenin gebeur. Die konsert is gratis indien jy toegang tot die kosmark het. Vir meer inligting, besoek die FNCC se Facebook-blad.Maandag» Die Farmhouse Deli op Swakopmund bied vanaand ‘n kos-en-wyn-aand aan. Hierdie kos-en-wyn-kombinasies gaan bestaan uit ‘n vyfgang maaltyd van hoofsaaklik eg Namibiese disse wat met van die beste wyne ter wêreld afgesluk kan word. Dit beoog om ‘n kulinêre fees van tradisionele en Westerse kos te wees. Skakel 064 411 4410 om plek te bespreek. Dinsdag » In die uitstalling The World is her Universe, ondersoek Candice Salkunga wat vertroue beteken en sy beeld dit deur middel van 'n reeks vroulike portrette uit. Hierdie uitstalling word deur die FNCC aangebied. Toegang is gratis en dit duur tot 5 April.» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by Flaunt beskikbaar.» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.Woensdag» Die Project Room bied met trots hul volgende uitstalling, Nurture, aan. Mitchell M Gatsi is die wenner van twee agtereenvolgende PAN-biënnale in die beeldhoukuns-afdeling. Hy bring nou sy eerste solo-uitstalling op die been. Nurture bestaan uit 32 unieke handgemaakte keramiekbeelde. Mitchell se beeldhouwerk beeld enkelmoeders se daaglikse lewens uit en hul worsteling om hul kinders se lewens te verryk. Die uitstalling open vandag en sal tot 24 Maart voortduut. » Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar donasies is welkom. Vir meer inligting, besoek “Ongoma trading as Drum Café Namibia” op Facebook, of hul webtuiste, www.ongoma.com, of www.drumcafe.co.za./Namibia.php.» Die Nasionale Kunsgalery (NAGN) van Namibië bied met trots Textiles and Textures aan. Die uitstalling bestaan uit ‘n versameling kunswerke uit die Namibia Arts Association en die NAGN se permanente uitstallings. Die uitgesoekte stukke is van belang ten opsigte van hul gebruik van tekstiel of tekstuur. Ander kunstenaars se stukke sal ook vertoon word. Die uitstalling begin om 18:00 en duur tot 5 Mei 2018.Donderdag » New Beginnings is 'n uitstalling wat bestaan uit die studente van die Kollege van die Kunste (COTA) se kunswerke. Hierdie jaar se uitstalling is die negende in die reeks en dit sal vir die derde agtereenvolgende keer by die NAGN gehou word. Die amptelike opening vind vandag om 18:00 in die NAGN se boonste galery plaas. Toegang is gratis en die uitstalling duur tot 21 April.» Die NAGN bied met trots ‘n groepuitstalling aan getiteld BOOTH. Met hierdie uitstalling is kunstenaars genooi om binne ‘n afgebakende fisieke en konspetuele ruimte grense uit te daag. Kunstenaars het ‘n ruimte van 2 x 2 m ontvang om hul kuns te vertoon. Hierdie uitstalling kan daagliks by die NAGN besoek word. Vir meer inligting, besoek die NAGN se webtuiste of Facebook-blad» Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Die konserte is oop vir almal.

Kalender 23 Maart

Kommentaar

Republikein 2025-04-04

Meld asseblief aan om kommentaar te lewer

Kalender 23 Maart

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie