Kalender vir Kollig

ELKE WEEK:*Elke Saterdag tussen 07:00 en 12:00 word die Bio-Markt/Green Market by die Stephanus-kerk in Dr Kenneth Kaundastraat aangebied. *Die weeklikse Inspirasiemark word elke Saterdag tussen 08:30 en 14:00 by die Ou Kragstasie-kompleks aangebied.*Geniet elke Sondag koffie en koek by Farm Krumhuk. Dit kos N$80 vir volwassenes en sluit 2 stukke koek en “bottomless” koffie of tee in. Toegang vir kinders onder 6 is halfprys. Vir meer inligting, kontak 061 233 645. Besprekings is noodsaaklik vir groepe groter as 7 mense. *Die Orca Coffee Bar bied een keer per maand ’n markie aan. Stalletjies kan teen N$50 gehuur word. Vir meer inligting, kontak Hennie Grobler by 081 229 0700. Toekomstige datums is 3 April, 1 Mei, 5 Junie, 3 Julie, 7 Augustus, 4 September, 2 Oktober, 5 November en 4 Desember.NOU AAN DIE GANG:*Le Nozze di Figaro, word aanlyn deur die Namibian Music Ensemble aangebied en deur die soliste Galilei Njembo, Justin Antony, Janice van Rooy, Natasha Ndjiharine, Glaucio Ngaca, Trudy Gertze, die pianis Retha-Louise Hofmeyr en die stryktrio Jürgen Kriess, Deborah Haindongo en Amy Aring opgevoer. Die opname is tot 31 Maart aanlyn beskikbaar. Kaartjies is teen N$50 op Webtickets.com.na beskikbaar.*Impressions of Namibia, ’n versameling van waterverfskilderye deur die plaaslike kunstenaar Ernst Rohe word by die Woermannhaus-galery op Swakopmund tot môre (20 Maart) uitgestal.*Ongano - Ileni Pamwe, 'n projek van visuele kunstenaars, kan tot 31 Maart in die Omba Gallery van die Namibia Craft Centre besigtig word.*Die Em’brace-uitstalling deur die kunstenaar en beeldhouer Mitchell M Gatsi kan nog tot 27 Maart by die Project Room-galery besigtig word. Die galery is Dinsdae tot Saterdae van 10:00 tot 13:00 oop. ONAFHANKLIKHEIDSNAWEEK:Vir onafhanklikheidsvieringe gaan daar by Droombos vanaf vandag tot Sondag feesgevier word. Toegang kan slegs met voorafgekoopte kaartjies verkry word. Weens Covid-regulasies is daar ’n beperkte aantal kaartjies beskikbaar. Daar sal speletjies wees en ’n regte Namibiese Marimba-orkes gaan optree. Bring jou eie kampstoele en komberse, geen koelbokse!VRYDAG:Onafhanklikheidspotjiekos-buffet van 17:30 tot 20:30. Dit kos N$220 per persoon en daar is ’n keuse tussen 3 verskillende potjies – beesstert, kerrie-afval en vaalpot.SATERDAG:Onafhanklikheidspitbraai van 17:30 tot 20:30. Dit kos N$180 per bord en daar is lam en vark op die spit wat saam met basterpoeding bedien word.SONDAG:Onafhanklikheidsbraai van 12:00 tot 17:00. Dit kos N$350 per persoon. Om kaartjies te koop, kontak 061250238 of 0832888352 of stuur ’n e-pos na reservations@droombos.com.na. VRYDAG 19 MAART:*The Weekend Band tree om 16:00 by die Desert Tavern in Swakopmund op.*Die Trendhaus in Swakopmund bied om 18:00 ’n skemerkelkie-konsert met Trio Feminale aan. Kaartjies is vooraf beskikbaar teen N$100 per persoon, en sal nie by die deur verkoop word nie.SATERDAG 20 MAART:*Sluit tot 22 Maart aan by ISAP (Intelligence Support Against Poaching) vir 'n naweek by die ISAP-kamp terwyl jy die natuurlewe geniet en die skoonheid van voëls saam met die bekende fotograaf Dirk Heinrich ontdek. Koste: N$1 600 per persoon (sluit 'n ligte middagete en aandete op Saterdag, “brunch” en aandete op Sondag, en Maandag-ontbyt in). Terwyl tente en kampbeddens voorsien word, moet jy asseblief jou eie beddegoed en drankies saambring! Vir besprekings, stuur ’n e-pos na reservations@isap.com.na of bel Fritz by 081 127 7491.*Die Strand Hotel in Swakopmund bied die Independence Market aan vanaf 09:00 tot 15:00, met lewendige optredes deur Arther & Waters en DJ Alex. ’n Springkasteel, gesigverfstalletjie en baie ander speletjies sal die kinders besig hou. *Die Swakopmund Nagmark vind van 10:00 tot 20:00 by Tiger Reef plaas. Toegang is gratis. Vir meer inligting, kontak 081 129 0029 of swakopnightmarket@gmail.com.SONDAG 21 MAART:*Die Namibiese volksmoordvereniging nooi dié wat belangstel uit om die ongemerkte grafte van Swakopmund se krygsgevangenes van 1904-1908 by die Genocide-begraafplaas in Kramersdorf skoon te maak en te herstel. Die sessie sal om 08:00 begin. Vir meer inligting, kontak namibiangenocide@gmail.com of 085 704 2451.*Laramon Tours in Walvisbaai bied Rocking the Bay Vol.5 aan, ’n drie-ure lange bootrit met heerlike eetgoed en vars oesters, asook ’n verskeidenheid drankies om van te kies en lewendige optredes deur Jacob & Taylor en Riaan Smit. Kaartjies is teen N$950 op Webtickets.com.na beskikbaar. DONDERDAG 25 MAART:*In hierdie maand se sessie van Future Females Windhoek by die Vintage Coffee Shop deel twee kenners op die vakgebied, Nalisa Chase en Anne Gebhardt, die moets en moenies van die smee van sakebande - aanlyn en vanlyn. Vir enige navrae, kontak adel@futurefemales.co of 081 124 5301. Kaartjies kos N$65 op Webtickets.com.na.SATERDAG 27 MAART:*Die eerste Finkenstein Bush Market vind vanaf 08:00 tot 14:00 op die landgoed aan die buitewyke van Windhoek plaas. ’n Wye verskeidenheid plaaslike produkte sal te koop wees. Toegang is gratis.*Die DBV hou van 09:00 tot 13:00 ’n rommelverkoping by hulle perseel in Robert Mugabe-rylaan. Diegene wat die fondsinsameling wil ondersteun word aangemoedig om alle items te skenk wat hulle nie meer nodig het nie, want die organisasie neem dit graag uit jou hande! Die laaste kans om items te skenk, is 25 Maart. Vir enige navrae, kontak 061 238 654.*Die Green Centre in Swakopmund bied van 10:00 tot 14:00 ’n Paasmark aan. Daar is Paasversierings, kuns, kunsvlyt, handgemaakte geskenke, kos en ligte drankies en lekkernye vir oud en jonk te koop. Vir stalletjiebesprekings en inligting, kontak Bea by 081 692 9072.*NamSpeed Motorclub bied die vermaaklikste “spinning”-skouspel aan wat Keetmanshoop ooit sal aanskou met legendariese, opkomende en nuwe plaaslike “spinners”, asook drie internasionale gaste: Eddie Rasta, Most Wanted en Kenzo. Toegang is N$70 vir volwassenes en N$20 vir kinders jonger as 12. Alkohol, koeldrank en kos sal te koop wees. Die dag skop om 12:00 af. VRYDAG 2 APRIL*Die UFA-Jeugsokkertoernooi vind tot 4 April in Usakos plaas vir die o.9- tot o.17 spanne. Daar sal kosstalletjies, musiek en ’n kinderhoekie met springkastele wees. Vir enige navrae, kontak 081 347 7469 or usakosfootballacademy@gmail.com.*Elsie en Tallulah du Tehorn bied ’n Jazz-kabaretvertoning aan (plek moet nog bevestig word). Al die fondse wat ingesamel word, word aan die Esther Badenhorst Carpe Diem Alzheimer-fondsinsamelingsprojek geskenk. Gaste kan formeel aantrek. Kaartjies kos N$200 per persoon of N$1 500 vir ‘n tafel van tien, en sluit wyn en kaas in. Vir besprekings, kontak 081 721 4363 of 081 225 7441.Vrydag 9 April*Kunswerke wat vir die Bank Windhoek Triënnale ingeskryf is, word uitgestal in die Nasionale Galery tot 3 Julie. *The Beggar from Saudi Arabia word in die Nasionale Teater opgevoer. ’n Tweede opvoering vind die volgende dag (10 April) plaas. Kaartjies is teen N$80 op Webtickets beskikbaar.Saterdag 10 April *Die Run for 101 Bible Stories by die Wanderers-sportklub in Windhoek het ten doel om fondse in te samel om gratis Kinderbybels aan minderbevoorregte kinders uit te deel. Individue, kinders en of spanne van 3 is welkom om deel te neem en vir 5 of 10 km te hardloop. Die eerste 200 inskrywings ontvang 'n geskenksakkie. Inskrywingsgeld per span van 3 is N$400, N$150 vir individue (volwassenes), N$50 vir kinders (3-12). Vir meer inligting, kontak 083 333 7777 of info@nambible.org.na.

Kalender vir Kollig

Kommentaar

Republikein 2024-11-22

Meld asseblief aan om kommentaar te lewer

Kalender vir Kollig

Kommentaar

Republikein 2024-11-22

Meld asseblief aan om kommentaar te lewer

MELD AAN

Advertensie