Kampioene met bonusse aangevuur
Padwedlope
Die nasionale 2021 Rössing-marathon se kampioene, Alina Armas en Jeremia Shaliaxwe, het onlangs elkeen 'n ontwikkelingsbonus van N$20 000 saam met hul prysgeld van N$10 000 ontvang.
Dié bonusse, in koopbewyse by OTB Sport, word deur die hoofborg, Rössing Uranium, moontlik gemaak om die twee atlete se atletiekloopbane verder tot kompetisiegehalte te ontwikkel.
Rössing sal Armas en Shaliaxwe se loopbane voortdurend dophou en hulle met die nodige hulpmiddels bystaan. Die maatskappy sê sy beleggings vorm deel van sy langtermynplanne met sport in Namibië.
Kaino Nghitongo, waarnemende bestuurder van korporatiewe kommunikasie by Rössing, sê die borg wil deel van omgee wees.
“Ons wil 'n rol in atlete se lewens speel deur vir Namibië se atlete die moontlike kans te bied om internasionaal te presteer. Rössing glo sy betrokkenheid by Namibiese kampioene sal ander Namibiërs tot groter hoogtes inspireer wat moontlik in die toekoms ons helde kan wees.”
Die marathon wat in Junie vir die eerste keer virtueel aangebied is op grond van die heersende Covid-19-regulasies, het inskrywing van 350 langasems van Namibië gelok.
Shaliaxwe het sy eerste volle Rössing-marathon in die bulterige Windhoek gehardloop en in twee ure 19 minute 59 sekondes gewen.
Die onblusbare Alina Armas-Namupala was vir die sesde keer die byeenkoms se vrouewenner (2:51:01).
Dié bonusse, in koopbewyse by OTB Sport, word deur die hoofborg, Rössing Uranium, moontlik gemaak om die twee atlete se atletiekloopbane verder tot kompetisiegehalte te ontwikkel.
Rössing sal Armas en Shaliaxwe se loopbane voortdurend dophou en hulle met die nodige hulpmiddels bystaan. Die maatskappy sê sy beleggings vorm deel van sy langtermynplanne met sport in Namibië.
Kaino Nghitongo, waarnemende bestuurder van korporatiewe kommunikasie by Rössing, sê die borg wil deel van omgee wees.
“Ons wil 'n rol in atlete se lewens speel deur vir Namibië se atlete die moontlike kans te bied om internasionaal te presteer. Rössing glo sy betrokkenheid by Namibiese kampioene sal ander Namibiërs tot groter hoogtes inspireer wat moontlik in die toekoms ons helde kan wees.”
Die marathon wat in Junie vir die eerste keer virtueel aangebied is op grond van die heersende Covid-19-regulasies, het inskrywing van 350 langasems van Namibië gelok.
Shaliaxwe het sy eerste volle Rössing-marathon in die bulterige Windhoek gehardloop en in twee ure 19 minute 59 sekondes gewen.
Die onblusbare Alina Armas-Namupala was vir die sesde keer die byeenkoms se vrouewenner (2:51:01).
Kommentaar
Republikein
Geen kommentaar is op hierdie artikel gelaat nie