Kaptein John McNab vereer
Henriette Lamprecht
Kaptein John McNab van die Rehoboth Bastergemeente is Vrydag in Suid-Afrika vir sy lewenslange bydrae tot Afrikaans vereer.
McNab het die Kokertoekenning van die Afrikaanse Taalraad vir sy volgehoue stryd vir die beskerming van Afrikaans in Namibië ontvang.
Volgens ''n verklaring van die Afrikaanse Taalraad verteenwoordig die kokerboom, ''n geharde plant wat in die halfwoestyngebiede van Suider-Afrika groei, die taal se aardsheid en uithouvermoë en haar diepe wortels in die grond, geskiedenis en mense van Afrika.
Die Kokertoekennings word jaarliks deur die taalraad vir spesiale bydraes tot die Afrikaanse taal en haar sprekers toegeken.
“Hul bydraes maak saak, want moeder Afrikaans het dit nodig. Ons wil hierdie presteerders onder ons uitlig as voorbeelde vir die res van ons. “
Vir vanjaar se Kokertoekennings is benoem: Me. Magdaleen Kruger vir die wyse waarop sy RSG gevestig het as ''n inklusiewe Afrikaanse radiostasie en vir die goeie gehalte van RSG se taalprogram “Die tale wat ons praat”; me. Henriëtte Loubser (redakteur: Huisgenoot) vir die bevordering van Afrikaans deur ou en nuwe kanale en haar doelbewuste poging om die populêre mark te handhaaf en daarby aan te pas; en die aktrise en regisseur Sandra Prinsloo vir haar lewenslange bevordering van Afrikaans deur film en teater.
Genomineerdes vir die bemagtiging van die Afrikaanse taalgemeenskap was die dramaturg Pieter-Dirk Uys vir bemagtiging deur die besondere humor wat ingebed is in sy optredes; die priester John Nicholson vir sy eiehandige opbou van die Omegaview-gemeenskapontwikkelingsprojek, ook vir sy geletterdheidswerk en voedingskema vir kinders; en prof. Christo van Rensburg vir die nuwe perspektiewe oor die ontstaan van Afrikaans in sy boek So kry ons Afrikaans.
Kaptein John McNab van die Rehoboth Bastergemeente is Vrydag in Suid-Afrika vir sy lewenslange bydrae tot Afrikaans vereer.
McNab het die Kokertoekenning van die Afrikaanse Taalraad vir sy volgehoue stryd vir die beskerming van Afrikaans in Namibië ontvang.
Volgens ''n verklaring van die Afrikaanse Taalraad verteenwoordig die kokerboom, ''n geharde plant wat in die halfwoestyngebiede van Suider-Afrika groei, die taal se aardsheid en uithouvermoë en haar diepe wortels in die grond, geskiedenis en mense van Afrika.
Die Kokertoekennings word jaarliks deur die taalraad vir spesiale bydraes tot die Afrikaanse taal en haar sprekers toegeken.
“Hul bydraes maak saak, want moeder Afrikaans het dit nodig. Ons wil hierdie presteerders onder ons uitlig as voorbeelde vir die res van ons. “
Vir vanjaar se Kokertoekennings is benoem: Me. Magdaleen Kruger vir die wyse waarop sy RSG gevestig het as ''n inklusiewe Afrikaanse radiostasie en vir die goeie gehalte van RSG se taalprogram “Die tale wat ons praat”; me. Henriëtte Loubser (redakteur: Huisgenoot) vir die bevordering van Afrikaans deur ou en nuwe kanale en haar doelbewuste poging om die populêre mark te handhaaf en daarby aan te pas; en die aktrise en regisseur Sandra Prinsloo vir haar lewenslange bevordering van Afrikaans deur film en teater.
Genomineerdes vir die bemagtiging van die Afrikaanse taalgemeenskap was die dramaturg Pieter-Dirk Uys vir bemagtiging deur die besondere humor wat ingebed is in sy optredes; die priester John Nicholson vir sy eiehandige opbou van die Omegaview-gemeenskapontwikkelingsprojek, ook vir sy geletterdheidswerk en voedingskema vir kinders; en prof. Christo van Rensburg vir die nuwe perspektiewe oor die ontstaan van Afrikaans in sy boek So kry ons Afrikaans.
Kommentaar
Republikein
Geen kommentaar is op hierdie artikel gelaat nie