Karasburgers kóm vir BA
Dis 'n naweek vir botsings tussen groot en klein spannetjies.
Young Brazilians van die verre Karasburg is 'n groentjiespan in die MTC Namibiese Premierliga, maar dit beteken nie hulle gaan omrol sodat Black Africa oor hulle kan loop nie.
Die twee spanne ontmoet Sondag in die Sam Nujoma-stadion.
Tolla Julius, afrigter van die besoekende span wat ook as die “Dakaza Boys” bekend staan, het gister aan Nampa gesê die span is vasbeslote om minstens een ligapunt met 'n gelykopuitslag vir hul moeite te verdien.
Die twee klubs het mekaar verlede jaar op Keetmanshoop in 'n voorseisoense vriendskaplike wedstryd ontmoet wat op 2-2 geëindig het, maar Junius sê vir beide spanne het intussen baie verander.
“Black Africa is boaan die puntelys omdat hulle deurlopend goed gespeel het, maar dit beteken nie ons kan nie 'n goeie uitslag teen hulle kry nie. Ons kom nie Windhoek toe dat hulle met ons maak wat hulle wil nie. Hulle kan maar 'n taai wedstryd verwag.”
Julius sê sy span deins nie terug vir fisieke sokker nie en hulle is ingestel om alles te gee om hul ondersteuners gelukkig te maak.
“Ek versoek alle suide-mense in Windhoek om stadion toe te kom en ons manne aan te moedig,” het hy gesê.
Intussen sê Paulus Shipanga, afrigter van Black Africa, die voorlopers het geen planne om hul momentum hierdie seisoen te laat skietgee nie.
“'n Span soos BA gaan op die veld met net een gedagte en dit is om die wenpunte te verdien. Ons het goed voorberei vir hierdie botsing en ons sal Sondag doen wat ons moet doen.”
Shipanga die seisoen verloop sover volgens plan. Sodra die vensterperiode vir oorplasings weer oop is, stel hy belang om die diepte in sy groep met 'n doelwagter, verdedigers aan die regter- en linkerkant asook 'n voorspeler te versterk.
“Ons het nou 22 spelers en sal graag nog vyf wil byvoeg, want die Debmarine-beker uitkloptoernooi en die Standard Bank Top 8-beker lê ook nog voor,” sê hy.
Daar is vyf punte verskil tussen die spanne, met Black Africa heel boaan met 16, terwyl Young Brazilians vierde is met elf.
AFRICAN STARS
Die trots van die heersende Namibiese ligakampioen, African Stars, kom môre om 16:00 voor 'n uiters gedugte toets te staan.
Hul opponente Raja Casablanca van Marokko is die huidige houer van die CAF Konfederasiebeker-trofee en is die volslae gunsteling om môre in Windhoek, asook in die herontmoeting in Marrakesj op 20 Januarie, verby die lig gerekende Namibiese spannetjie te vorder.
African Stars, by monde van sy kaptein Pat-Nevin Uanivi en hulpafrigter Andrew Tjahikika, het egter dié week verklaar dat die span so deeglik as moontlik voorbereid is vir die komende uitdaging.
'n Tuisoorwinning en 'n gelykop in Marokko is die onmoontlike droom wat African Stars najaag.
Die klubvoorsitter Patrick Kauta moedig ondersteuners aan om mekaar nie by die hekke te vertrap nie.
“Mense moet asseblief minstens 'n uur vooraf opdaag. Ons wil nie 'n herhaling sien van die Orlando Pirates-wedstryd, toe soveel mense opgedaag het terwyl die wedstryd reeds aan die gang was. Toe het hulle só gedruk dat die hekke om veiligheidsredes oopgemaak moes word.
“Dit kan baie gevaarlik wees en veral kinders kan seerkry. Koop die kaartjies vooraf (webtickets by enige Pick n Pay landwyd) en kry betyds jou sitplek,” het Kauta gesê.
- Nampa en eie berig
Die twee spanne ontmoet Sondag in die Sam Nujoma-stadion.
Tolla Julius, afrigter van die besoekende span wat ook as die “Dakaza Boys” bekend staan, het gister aan Nampa gesê die span is vasbeslote om minstens een ligapunt met 'n gelykopuitslag vir hul moeite te verdien.
Die twee klubs het mekaar verlede jaar op Keetmanshoop in 'n voorseisoense vriendskaplike wedstryd ontmoet wat op 2-2 geëindig het, maar Junius sê vir beide spanne het intussen baie verander.
“Black Africa is boaan die puntelys omdat hulle deurlopend goed gespeel het, maar dit beteken nie ons kan nie 'n goeie uitslag teen hulle kry nie. Ons kom nie Windhoek toe dat hulle met ons maak wat hulle wil nie. Hulle kan maar 'n taai wedstryd verwag.”
Julius sê sy span deins nie terug vir fisieke sokker nie en hulle is ingestel om alles te gee om hul ondersteuners gelukkig te maak.
“Ek versoek alle suide-mense in Windhoek om stadion toe te kom en ons manne aan te moedig,” het hy gesê.
Intussen sê Paulus Shipanga, afrigter van Black Africa, die voorlopers het geen planne om hul momentum hierdie seisoen te laat skietgee nie.
“'n Span soos BA gaan op die veld met net een gedagte en dit is om die wenpunte te verdien. Ons het goed voorberei vir hierdie botsing en ons sal Sondag doen wat ons moet doen.”
Shipanga die seisoen verloop sover volgens plan. Sodra die vensterperiode vir oorplasings weer oop is, stel hy belang om die diepte in sy groep met 'n doelwagter, verdedigers aan die regter- en linkerkant asook 'n voorspeler te versterk.
“Ons het nou 22 spelers en sal graag nog vyf wil byvoeg, want die Debmarine-beker uitkloptoernooi en die Standard Bank Top 8-beker lê ook nog voor,” sê hy.
Daar is vyf punte verskil tussen die spanne, met Black Africa heel boaan met 16, terwyl Young Brazilians vierde is met elf.
AFRICAN STARS
Die trots van die heersende Namibiese ligakampioen, African Stars, kom môre om 16:00 voor 'n uiters gedugte toets te staan.
Hul opponente Raja Casablanca van Marokko is die huidige houer van die CAF Konfederasiebeker-trofee en is die volslae gunsteling om môre in Windhoek, asook in die herontmoeting in Marrakesj op 20 Januarie, verby die lig gerekende Namibiese spannetjie te vorder.
African Stars, by monde van sy kaptein Pat-Nevin Uanivi en hulpafrigter Andrew Tjahikika, het egter dié week verklaar dat die span so deeglik as moontlik voorbereid is vir die komende uitdaging.
'n Tuisoorwinning en 'n gelykop in Marokko is die onmoontlike droom wat African Stars najaag.
Die klubvoorsitter Patrick Kauta moedig ondersteuners aan om mekaar nie by die hekke te vertrap nie.
“Mense moet asseblief minstens 'n uur vooraf opdaag. Ons wil nie 'n herhaling sien van die Orlando Pirates-wedstryd, toe soveel mense opgedaag het terwyl die wedstryd reeds aan die gang was. Toe het hulle só gedruk dat die hekke om veiligheidsredes oopgemaak moes word.
“Dit kan baie gevaarlik wees en veral kinders kan seerkry. Koop die kaartjies vooraf (webtickets by enige Pick n Pay landwyd) en kry betyds jou sitplek,” het Kauta gesê.
- Nampa en eie berig
Kommentaar
Republikein
Geen kommentaar is op hierdie artikel gelaat nie