Khaxab en Kamberipa skuldig

Regter Dinnah Usiku het vanoggend vir Riaan Khaxab en Hans Kamberipa in die Windhoek-hoërhof skuldig bevind aan die moord op mnr. Ernst Cloete, ’n plaasboer van die plaas Drie Riviere in die Rehoboth-distrik, in November 2011.
Die twee mans het tereggestaan op klagte van moord, roof, dwarsboming van die gereg en die onwettige besit van ’n vuurwapen en ammunisie. Hulle is skuldig op al die klagte teen hulle bevind.