Kieran hang sy rugbytokse op
Rugby
Kieran Read, voormalige kaptein van die All Black-rugbyspan, het Saterdag in Japan uit alle rugby getree nadat sy span, Toyota Verblitz, in die halfeindronde van die Japannese Topliga uitgeskakel is.
Read, wat saam met die All Blacks twee Wêreldbeker (WB)-toernooie in 2011 en 2015 gewen het, het sy besluit reeds voor Saterdag se nederlaag van 21-48 teen die Panasonic Wild Knights gemaak.
Die 35-jarige Read het in 2019 uit internasionale rugby getree nadat die All Blacks in die halfeindronde van die WB-toernooi deur Engeland geklop is.
“Ek sien daarna uit om na Nieu-Seeland terug te keer en tyd saam met my gesin deur te bring,” het Read, wat in 127 toetse gespeel het, op sosiale media aangekondig.
Die All Black-agsteman is in 2013 as die Wêreldspeler van die Jaar aangewys. Hy het ook vier Superrugbytitels saam met die Crusaders gewen.
– Reuters, Netwerk24
FOTO
Kieran Read met sy bronsmedalje ná 2019 se Wêreldbeker-toernooi. Foto Getty Images
Read, wat saam met die All Blacks twee Wêreldbeker (WB)-toernooie in 2011 en 2015 gewen het, het sy besluit reeds voor Saterdag se nederlaag van 21-48 teen die Panasonic Wild Knights gemaak.
Die 35-jarige Read het in 2019 uit internasionale rugby getree nadat die All Blacks in die halfeindronde van die WB-toernooi deur Engeland geklop is.
“Ek sien daarna uit om na Nieu-Seeland terug te keer en tyd saam met my gesin deur te bring,” het Read, wat in 127 toetse gespeel het, op sosiale media aangekondig.
Die All Black-agsteman is in 2013 as die Wêreldspeler van die Jaar aangewys. Hy het ook vier Superrugbytitels saam met die Crusaders gewen.
– Reuters, Netwerk24
FOTO
Kieran Read met sy bronsmedalje ná 2019 se Wêreldbeker-toernooi. Foto Getty Images
Kommentaar
Republikein
Geen kommentaar is op hierdie artikel gelaat nie