Kinderregte: wetstoepassers opgelei
Dag van die Namibiese Kind herdenk
Ellanie Smit
Die uitdagings van kinders wat in konflik met die wet gewikkel is, was die fokuspunt van die Dag van die Namibiese Kind.
Dié dag is Maandag gedenk met die verklaarde strewe om toegang tot ’n kindervriendelike regstelsel te verseker.
Vanjaar se tema was “Toegang tot kindervriendelike geregtigheid in Namibië te midde van die coronavirus-pandemie”.
Me. Doreen Sioka, die minister van geslagsgelykheid, het gesê ’n kindervriendelike regstelsel moet kinders se beste belange eerste stel.
“Dit moet ’n stelsel wees wat alle kinders beter bedien en beskerm, ongeag van sosio-ekonomiese of kulturele agtergrond.”
Ondanks die aanvaarding van kinderspesifieke wette deur regerings in Afrika, sowel as die aansienlike belegging in kinderbeskerming, baat vele kinders steeds nie op ’n sinvolle wyse by kindervriendelike regstelsels nie.
Verslae oor die wêreld heen dui aan dat meer as ’n miljoen kinders wêreldwyd wettig in aanhouding is.
In vele tronke en korrektiewe instansies word kinders en jongmense dikwels die reg op mediese sorg, opvoeding, veiligheid en beskerming en individuele ontwikkeling ontneem.
Die Namibiese regering se verbintenis tot ’n kindervriendelike regstelsel, blyk duidelik deur die implementering van die wet op kindersorg en -beskerming, wat gehoor gee aan die basiese beginsels van ’n kindervriendelike regstelsel.
Die wet is in ooreenstemming met die Afrika Handves op die Regte en Welsyn van die Kind en het gelei tot verskillende oefeninge vir kapasiteitsontwikkeling van alle belangrike regeringsamptenare.
Die strewe is om te verseker dat die grondbeginsels nagekom word van die kindervriendelike regstelsel wat in die wet uitgespel is.
“Wanneer ’n kind na bewering ’n misdaad gepleeg het, kan die manier waarop die regstelsel reageer ’n lewenslange impak hê – positief of negatief,” sê me. Rachel Odede, ’n Unicef-verteenwoordiger in Namibië.
BEAMPTES OPGELEI
“Na aanleiding van die beginsels wat deur die Konvensie oor die Regte van die Kind daargestel is, moet ons kinders met sorg, sensitiwiteit en respek behandel gedurende enige prosedure of regsaak, met spesiale fokus op hul welstand en behoeftes, en met volle respek vir hul fisieke en sielkundige integriteit, ongeag hul hoedanigheid of regstatus.
“Hierdie taak verg ons individuele en kollektiewe inspanning, veral tydens noodtoestande soos die huidige Covid-19 pandemie,” het sy gesê.
Om van dié uitdagings in ooreenstemming met die wet op kindersorg en -beskerming te takel, het die polisie en twee ministeries (justisie en geslagsgelykheid) saamgespan om opleiding vir wetstoepassers aan te bied.
Unicef steun dié opleiding, wat daarop gemik is om wetstoepassers toe te rus in hul reaksie op kinderbeskermingskwessies, veral te midde van die pandemie.
– [email protected]
Die uitdagings van kinders wat in konflik met die wet gewikkel is, was die fokuspunt van die Dag van die Namibiese Kind.
Dié dag is Maandag gedenk met die verklaarde strewe om toegang tot ’n kindervriendelike regstelsel te verseker.
Vanjaar se tema was “Toegang tot kindervriendelike geregtigheid in Namibië te midde van die coronavirus-pandemie”.
Me. Doreen Sioka, die minister van geslagsgelykheid, het gesê ’n kindervriendelike regstelsel moet kinders se beste belange eerste stel.
“Dit moet ’n stelsel wees wat alle kinders beter bedien en beskerm, ongeag van sosio-ekonomiese of kulturele agtergrond.”
Ondanks die aanvaarding van kinderspesifieke wette deur regerings in Afrika, sowel as die aansienlike belegging in kinderbeskerming, baat vele kinders steeds nie op ’n sinvolle wyse by kindervriendelike regstelsels nie.
Verslae oor die wêreld heen dui aan dat meer as ’n miljoen kinders wêreldwyd wettig in aanhouding is.
In vele tronke en korrektiewe instansies word kinders en jongmense dikwels die reg op mediese sorg, opvoeding, veiligheid en beskerming en individuele ontwikkeling ontneem.
Die Namibiese regering se verbintenis tot ’n kindervriendelike regstelsel, blyk duidelik deur die implementering van die wet op kindersorg en -beskerming, wat gehoor gee aan die basiese beginsels van ’n kindervriendelike regstelsel.
Die wet is in ooreenstemming met die Afrika Handves op die Regte en Welsyn van die Kind en het gelei tot verskillende oefeninge vir kapasiteitsontwikkeling van alle belangrike regeringsamptenare.
Die strewe is om te verseker dat die grondbeginsels nagekom word van die kindervriendelike regstelsel wat in die wet uitgespel is.
“Wanneer ’n kind na bewering ’n misdaad gepleeg het, kan die manier waarop die regstelsel reageer ’n lewenslange impak hê – positief of negatief,” sê me. Rachel Odede, ’n Unicef-verteenwoordiger in Namibië.
BEAMPTES OPGELEI
“Na aanleiding van die beginsels wat deur die Konvensie oor die Regte van die Kind daargestel is, moet ons kinders met sorg, sensitiwiteit en respek behandel gedurende enige prosedure of regsaak, met spesiale fokus op hul welstand en behoeftes, en met volle respek vir hul fisieke en sielkundige integriteit, ongeag hul hoedanigheid of regstatus.
“Hierdie taak verg ons individuele en kollektiewe inspanning, veral tydens noodtoestande soos die huidige Covid-19 pandemie,” het sy gesê.
Om van dié uitdagings in ooreenstemming met die wet op kindersorg en -beskerming te takel, het die polisie en twee ministeries (justisie en geslagsgelykheid) saamgespan om opleiding vir wetstoepassers aan te bied.
Unicef steun dié opleiding, wat daarop gemik is om wetstoepassers toe te rus in hul reaksie op kinderbeskermingskwessies, veral te midde van die pandemie.
– [email protected]
Kommentaar
Republikein
Geen kommentaar is op hierdie artikel gelaat nie