Klein meisie met 'n groot hart

Tanja Bause - “Dit sal die eerste keer wees dat ek vlieg en dat ek uit Namibië sal gaan,” het die negejarige Eden Summer Piek opgewonde gesê. Sy sal Namibië Saterdag in die “Toddler and Tweens of the World Pageant” in Suid-Afrika verteenwoordig. Sy het verlede jaar in November aan die “Little Miss Windhoek 2015”-skoonheidkompetisie in die ouderdomsgroep van 7 tot 8 jaar deelgeneem en gewen. Dit is juis dié titel wat haar toelaat om haar land in Klerksdorp in die ouderdomsgroep 9 tot 10 jaar te verteenwoordig. Sy het ook al vanjaar die titel van “Little Miss Grand Namibia 2016” gewen. Tydens die kompetisie is sy ook aangewys as die beste loopplankmodel, beste nasionale kostuum, beste in liefdadigheidswerk en mees fotogenies. Sy sal volgende jaar in Junie Namibië in Sanya, Hainan in China by die “Little Miss Universe Pageant” verteenwoordig.“Sy sal die eerste kind wees wat Namibië in die ‘Little Miss Universe Pageant’ verteenwoordig. Sy is baie trots op haar prestasies en sy doen alles wat sy aanpak met passie en toewyding,” het haar ma, me. Savannah Bach, gesê. Volgens haar is liefdadigheidswerk 'n groot deel van al die kompetisies en Eden hou daarvan om te help - of dit nou kinders of diere is. Sy het onlangs klere en speelgoed vir die “Orlindi House of Safety” in Katutura ingesamel. Sy gaan ook gereeld na die weeshuis waar sowat 30 kinders van verskillende ouderdomme bly om tyd met hulle deur te bring. Sy en haar tweelingbroer het kolwyntjies gebak en by die Dr. A Bernard May Kankerksorgsentrum gaan uitdeel. “Ek het dit gedoen om die dag vir al die siek kinders so 'n bietjie op te helder,” het Eden gesê. Sy het nog kolwyntjies gebak en by 'n inkoopsentrum verkoop. Op dié wyse het sy N$1 600 vir “The Cat Protection Society of Namibia” ingesamel. “Ek wil sodra ek terug is ? skoonmaakveldtog van stapel stuur. Ek hou nie van die gemors wat oral rondlê nie. Baie van dit is ook gevaarlik soos plastiek, veral wanneer diere dit vreet,” het Eden gesê. Sy het ook onlangs begin om boeke in te samel wat sy aan skole wil skenk. “Enige iemand wal boeke wil skenk of wil help skoonmaak, kan my ma by 081 147 5700 skakel.”

Klein meisie met 'n groot hart

Kommentaar

Republikein 2025-04-18

Meld asseblief aan om kommentaar te lewer

Klein meisie met 'n groot hart

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie