Kleinveeskou se hoogtepunte
Hoewel kleinveeinskrywings minder is, meen organiseerders ‘n kompakter skouprogram beteken meer sal in ‘n korter tydperk gesien kan word.
Elvira Hattingh – Skou-organiseerders meen vanjaar se korter kleinveeskouprogram bied ‘n geleentheid om baie meer in ‘n korter tydperk te sien, terwyl hoogtepunte soos die interraskampioenskappe en Vrydag se veiling steeds behoue bly.
Mnr. Dederick Jankowitz, die kleinveekomitee se voorsitter, het onlangs aan Die Boer gesê die afgelope jare se droogte het sy tol op inskrywings by die Windhoek Skou geëis het, met slegs sowat 550 stuks kleinvee wat geskou sal word.
In 2018 is altesaam 1 126 kleinvee by die skou ingeskryf. Die jaar 2012 was ‘n rekordjaar toe sowat 1 794 stuks kleinvee ingeskryf is.
“Vanjaar was ‘n besonderse swaar jaar weens die droogte, asook ekonomiese toestande, dit kan nie weggesteek word nie,” het Jankowitz gesê en bygevoeg dit het ook daartoe gelei dat sommige boktelers besluit het om hul diere eerder by die Stampriet-skou te vertoon.
“Boerbokke, Kalahari Reds en Savannabokke sal wel steeds by die Windhoek Skou te sien wees.
“Die hoofrede vir swakker inskrywings is die droogte. Tog is ons steeds trots en tevrede met wat telers onder moeilike omstandighede in terme van inskrywings kon vermag,” het hy gesê.
Die kleinvee se program skop op Dinsdag 1 Oktober om 08:00 af met die skou van al die onderskeie bokke in ring 1, asook die Damaraskape wat in ring 2 te sien sal wees. Vanaf die middag sal Veldmasters, asook dorpers geskou word.
Woensdag sal die Van Rooy- en Persieskape ‘n skoubeurt kry.
Die interras-kampioenskappe vind op Donderdag 3 Oktober vanaf 09:00 plaas, waartydens ‘n kampioen van kampioene gekies sal word.
“Dit beteken al die kleinveerasse se kampioene kompeteer teen mekaar vir dié gesogte titel. Dit is die room van die Windhoek Skou,” het Jankowitz verduidelik.
Jankowitz het gesê soos verlede jaar sal Meatmaster-skape tydens die skou ‘n tentoonstelling hou, alhoewel hulle nie skou nie, terwyl ‘n teler van kampioene weer vir elke kleinveeras gekroon sal word.
“Dit beteken ons gaan byvoorbeeld ‘n Boerbokteler van Kampioene en ‘n Van Rooy-teler van Kampioene aanwys sodat ons aan almal die nodige erkenning kan gee. Dit beteken dat een teler dalk die titel vir verskeie rasse kan verower.”
Hy het bygevoeg daar is hernude opgewondenheid oor die Windhoek Skou nadat dbesluit is om ‘n nuwe blaadjie om te slaan en veral wat die nie-landbou afdeling van die skou betref, voorkeur te gee aan Namibiese maatskappye en produsente wat plaaslik waarde toevoeg.
Jankowitz is vanjaar reeds vyf jaar op dié komitee as verteenwoordiger van die Persie-skaapras en vanjaar is dit sy tweede jaar as voorsitter.
Hy is ‘n teler van Savannabokke en Persieskape en het ook Boranbeeste.
“Ek is ‘n naweekboer, maar eintlik ook ‘n afslaer en eiendomsagent wat plase verkoop. Die skouwerk doen ek vir die liefde van die saak,” sê hy.
Mnr. Dederick Jankowitz, die kleinveekomitee se voorsitter, het onlangs aan Die Boer gesê die afgelope jare se droogte het sy tol op inskrywings by die Windhoek Skou geëis het, met slegs sowat 550 stuks kleinvee wat geskou sal word.
In 2018 is altesaam 1 126 kleinvee by die skou ingeskryf. Die jaar 2012 was ‘n rekordjaar toe sowat 1 794 stuks kleinvee ingeskryf is.
“Vanjaar was ‘n besonderse swaar jaar weens die droogte, asook ekonomiese toestande, dit kan nie weggesteek word nie,” het Jankowitz gesê en bygevoeg dit het ook daartoe gelei dat sommige boktelers besluit het om hul diere eerder by die Stampriet-skou te vertoon.
“Boerbokke, Kalahari Reds en Savannabokke sal wel steeds by die Windhoek Skou te sien wees.
“Die hoofrede vir swakker inskrywings is die droogte. Tog is ons steeds trots en tevrede met wat telers onder moeilike omstandighede in terme van inskrywings kon vermag,” het hy gesê.
Die kleinvee se program skop op Dinsdag 1 Oktober om 08:00 af met die skou van al die onderskeie bokke in ring 1, asook die Damaraskape wat in ring 2 te sien sal wees. Vanaf die middag sal Veldmasters, asook dorpers geskou word.
Woensdag sal die Van Rooy- en Persieskape ‘n skoubeurt kry.
Die interras-kampioenskappe vind op Donderdag 3 Oktober vanaf 09:00 plaas, waartydens ‘n kampioen van kampioene gekies sal word.
“Dit beteken al die kleinveerasse se kampioene kompeteer teen mekaar vir dié gesogte titel. Dit is die room van die Windhoek Skou,” het Jankowitz verduidelik.
Jankowitz het gesê soos verlede jaar sal Meatmaster-skape tydens die skou ‘n tentoonstelling hou, alhoewel hulle nie skou nie, terwyl ‘n teler van kampioene weer vir elke kleinveeras gekroon sal word.
“Dit beteken ons gaan byvoorbeeld ‘n Boerbokteler van Kampioene en ‘n Van Rooy-teler van Kampioene aanwys sodat ons aan almal die nodige erkenning kan gee. Dit beteken dat een teler dalk die titel vir verskeie rasse kan verower.”
Hy het bygevoeg daar is hernude opgewondenheid oor die Windhoek Skou nadat dbesluit is om ‘n nuwe blaadjie om te slaan en veral wat die nie-landbou afdeling van die skou betref, voorkeur te gee aan Namibiese maatskappye en produsente wat plaaslik waarde toevoeg.
Jankowitz is vanjaar reeds vyf jaar op dié komitee as verteenwoordiger van die Persie-skaapras en vanjaar is dit sy tweede jaar as voorsitter.
Hy is ‘n teler van Savannabokke en Persieskape en het ook Boranbeeste.
“Ek is ‘n naweekboer, maar eintlik ook ‘n afslaer en eiendomsagent wat plase verkoop. Die skouwerk doen ek vir die liefde van die saak,” sê hy.
Kommentaar
Republikein
Geen kommentaar is op hierdie artikel gelaat nie