Kleurvolle koppe vir kanker

Die Kankervereniging van Namibië (CAN) se jaarlikse Spray-a-Thon skop op 29 Februarie in Windhoek en Swakopmund af, en sal regdeur Maart voortgaan ten bate van jong Namibiërs wat 'n stryd teen kanker voer. Tydens die veldtog spuit mense hul hare met kleurvolle haarsproei vir 'n goeie doel.“Ons wil lawwe haarkleure in Maart sien en lewens in die proses red,” sê mnr. Rolf Hansen, CAN se uitvoerende hoof.Skole, maatskappye, familie en vriende is genooi om die pret mee te maak.Alle skenkings gaan aan die Chica-fonds, wat 'n huis vir kinders met kanker, asook die pediatriese afdeling van die Windhoek Sentrale Hospitaal finansier.Die Chica-fonds bied ook finansiële steun aan kinders met kanker, en het verlede jaar N$185 000 se mediese uitgawes gedek, wat onder meer vervoer vir onmiddellike behandeling insluit. Die Spray-a-Thon sal op die betrokke Saterdag by die Pupkewitz Lifestyle Centre in Kleine Kuppe, Windhoek, van 09:00 tot 12:00 plaasvind. Belangstellendes kan Susann of MJ by 061 237 740 kontak. Op Swakopmund skop dit ook om 09:00 op die 29ste by Fruit & Veg Food Lover's Market in Town Centre af.Kontak Celeste of Beverly by 064 461 271 vir meer inligting. Skole en maatskappye wat belangstel om hul eie Spray-a-Thon aan te bied, kan Suann van Heerden (CAN se projekkoördineerder) by 061 237 740 of projects@can.org.na kontak.

Kleurvolle koppe vir kanker

Kommentaar

Republikein 2025-04-18

Meld asseblief aan om kommentaar te lewer

Kleurvolle koppe vir kanker

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie