Klipwerf-opskop ook vir voer

Die Klipwerf Boereorkes bied op 7 Maart ’n opskop by Windhoek Gimnasium se United-sportgronde aan om geld vir Namibië-droogtehulp in te samel. Die opskop word voorafgegaan deur ’n potjiekoskompetisie en markdag. Henriette Le Grange, wat die fonds bestuur, sê geld wat deur dié geleenthede ingesamel word, gaan nie net vir skoolfonds nie. Sy sê die plan is om twee streke ook van veevoer te voorsien, afhangende van hoeveel geld ingesamel word. Die koste per vrag beloop tussen N$90 000 en N$110 000. “Ons het in Februarie reeds voer aan Karasburg, Warmbad, Vioolsdrif en Aroab gelewer,” sê sy. Vir meer inligting, kontak Le Grange by 081 124 9670.