Knights wen eensydige finaal
Krieket
Otis Finck - Die span van PPS Knights het Sondag in Walvisbaai die Spur-span met 70 lopies in die eindstryd om die 2019 T20-kuskrieketligatitel geklop.
Die Knights het gedurende die kompetisie 'n gemiddelde kolftelling van 174 lopies gehandhaaf wat aan hulle die eerste posisie op die puntelys besorg het om vir die eindstryd teen Spur te kwalifiseer. Spur het op sy beurt die Fuel Pump Repair Warriors, die verdedigende kampioen, in 'n uitspeelwedstryd uitgeskakel.
Nadat die Knights die loot gewen het, het hulle verkies om eerste te kolf en het ná hul toegelate 20 beurte met 191 lopies vir die verlies van net vier paaltjies op die telbord gespog.
Gerhard Lottering het met sy 51 lopies van 39 balle (twee viere, drie sesse) het 'n lywige bydrae gelewer voor hy met 'n besering moes uittree. Matthew de Gouveia het self met die kolf gekook om 'n blitsige 39 lopies van 27 balle te moker, wat drie sesse en twee viere ingesluit het.
Vir Spur het Gideon Kock twee paaltjies vir 21 lopies in sy drie boulbeurte geneem.
Spur kon net met 121 lopies vir die verlies van agt kolwers in sy toegelate 20 boulbeurte antwoord. Esau Heyns was sy span se beste kolwer met 21 van 26 aflewerings, wat een vier en een ses ingesluit het. John-Erich Thierauch (4 boulbeurte) en Lottering (3 bb) het onderskeidelik 2/14 en 3/31 met die bal vir Spur geneem.
Me. Nolene Winborn, administrateur van die Junior Coastal Cricket Academy (JCCA) en hoof van die organiserende komitee, was tevrede met die verloop van die kompetisie. Die toernooi het 6 763 lopies asook 346 sesse en 402 viere opgelewer. Altesaam 230 paaltjies is laat kantel.
Die Knights het gedurende die kompetisie 'n gemiddelde kolftelling van 174 lopies gehandhaaf wat aan hulle die eerste posisie op die puntelys besorg het om vir die eindstryd teen Spur te kwalifiseer. Spur het op sy beurt die Fuel Pump Repair Warriors, die verdedigende kampioen, in 'n uitspeelwedstryd uitgeskakel.
Nadat die Knights die loot gewen het, het hulle verkies om eerste te kolf en het ná hul toegelate 20 beurte met 191 lopies vir die verlies van net vier paaltjies op die telbord gespog.
Gerhard Lottering het met sy 51 lopies van 39 balle (twee viere, drie sesse) het 'n lywige bydrae gelewer voor hy met 'n besering moes uittree. Matthew de Gouveia het self met die kolf gekook om 'n blitsige 39 lopies van 27 balle te moker, wat drie sesse en twee viere ingesluit het.
Vir Spur het Gideon Kock twee paaltjies vir 21 lopies in sy drie boulbeurte geneem.
Spur kon net met 121 lopies vir die verlies van agt kolwers in sy toegelate 20 boulbeurte antwoord. Esau Heyns was sy span se beste kolwer met 21 van 26 aflewerings, wat een vier en een ses ingesluit het. John-Erich Thierauch (4 boulbeurte) en Lottering (3 bb) het onderskeidelik 2/14 en 3/31 met die bal vir Spur geneem.
Me. Nolene Winborn, administrateur van die Junior Coastal Cricket Academy (JCCA) en hoof van die organiserende komitee, was tevrede met die verloop van die kompetisie. Die toernooi het 6 763 lopies asook 346 sesse en 402 viere opgelewer. Altesaam 230 paaltjies is laat kantel.
Kommentaar
Republikein
Geen kommentaar is op hierdie artikel gelaat nie