Koedoe drentel deur Klein-Windhoek

Hierdie jong koedoebul is vanoggend (Woensdag) by die Klein-Windhoek poskantoor afgeneem waar dit glo doodluiters rondgedrentel het.
Die foto, geneem deur Wessel Myburgh, sirkuleer tans op Facebook.
Die stadspolisie het by navraag gesê hulle dra nie kennis van die koedoe nie.
Dit is in hierdie stadium nog nie bekend wat van die koedoe geword het nie. Hondsdol koedoes toon vreemde sosiale gedrag soos hierdie een en kom dikwels mak en vreesloos voor.