Koeler weer vir kus op pad

Baie Swakopmunders het die afgelope dae lafenis by die Mole gesoek terwyl 'n hittegolf kusbewoners laat bloed sweet het. Volgens mnr. Odillo Kgobetsi by die weerkantoor in Windhoek sal die bergwindtoestande wat die temperature bo die 40 grade Celsius laat boer het, van vandag af na die naweek toe, stelselmatig die wyk neem. Mistige toestande en ligte buie word vir die naweek langs die kus voorspel, sê hy. Geïsoleerde buie kan ook van môre af oor die oostelike en suidelike dele van die binneland voorkom. Foto Adolf Kaure