Kollege sing vir kanker

Die College of the Arts (Cota) bied hul gewilde Christmas Memories Concert jaarliks ten bate van die Kankervereniging van Namibië (CAN) aan. Tydens verlede jaar se konsert is N$18 000 ingesamel, wat aangewend gaan word vir gemeenskapsklinieke wat op Dinsdae (vir mans) en Donderdae (vir vroue) aangebied word. Die skenking stel CAN in staat om ’n totaal van 183 Namibiërs vir servikale of prostaatkanker te ondersoek.