Komitee vra parlement om geblikteleeu-bedryf te stop
Alle rolspelers het saamgestem dat die bedryf géén bewaringswaarde het nie.
Elise Tempelhoff - Die geblikteleeu-bedryf is oneties, stel Suid-Afrika in ’n swak lig en rolspelers meen dit moet beëindig word.
Dit is van die bevindings in die verslag van die portefeuljekomitee oor omgewingsake wat gister in die parlement ter tafel gelê is.
“Dit is nou in die hande van die parlement wat moet besluit oor die toekoms van dié omstrede bedryf,” lui die gevolgtrekking in die lywige verslag.
Die portefeuljekomitee het die verslag opgestel ná ’n debat van twee dae wat aan die einde van Augustus in die parlement oor dié bedryf gevoer is.
Die verslag lui dat daar in die debat “oorweldigende konsensus” was dat dié bedryf moet sluit en dat die teel van leeus in gevangenskap gestaak moet word.
Alle rolspelers het saamgestem dat die bedryf géén bewaringswaarde het nie. Boonop is daar etiese en dierewelsynkwessies wat kommer wek. Die feit dat die bedryf Suid-Afrika in ’n swak lig stel, is ’n verdere rede tot ernstige kommer, is bevind.
NEGATIEW PUBLISITEIT
Suid-Afrika kry weens dié bedryf wêreldwyd uiters negatiewe publisiteit. Solank die bedryf voortbestaan, sal internasionale bewaringsbewustes Suid-Afrika se naam deur die modder sleep, lui die verslag.
Die portefeuljekomitee wys daarop dat die land volgens berekeninge deur die Suid-Afrikaanse Instituut vir Internasionale Betrekkinge (SAII) tot soveel as R54 miljard in die volgende dekade aan onder meer toerisme kan verloor as die bedryf toegelaat word om voort te gaan.
Phillemon Mapulane, voorsitter van die komitee, het gesê Suid-Afrika laat ’n praktyk toe wat die res van die wêreld die rug toegekeer het. “Ons moet ’n oplossing vir hierdie situasie vind,” het hy gesê.
In die verslag word ook kritiese vrae gestel oor die sogenaamde “wetenskaplike bevindings” wat die voormalige minister, Edna Molewa, gebruik het toe sy besluit het dat 1 500 skelette van leeus vanjaar uitgevoer mag word.
GEBREK AAN REGULASIES
Die komitee het bevind dat sy haar besluit bloot op ekonomiese beginsels gegrond het. Dit is vir die komitee voorts duidelik dat ’n gebrek aan regulasies en gevolglik wetstoepassing ’n groot probleem in Suid-Afrika is.
Dr. Mark Jones van die Born Free-stigting het daarop gewys dat dié bedryf baie nou met die sluikhandel in wild- en wildprodukte geassosieer word. Hy het gesê die bedryf word regstreeks met die toename in die vraag na donkievelle en -vleis, asook renosterhorings verbind.
Volgens hom het hy strokies van lugdienste ontvang wat wys dat daar waarskynlik reeds in 2016 meer as 1 700 leeuskelette na Vinasakhone Trading in Laos uitgevoer is. Dit is ’n jaar voordat Molewa ’n jaarlikse kwota van 800 leeuskelette vasgestel het.
Jones het gesê die eienaars van hierdie maatskappy word daarvan verdink dat hulle by die sluikhandel in wildprodukte betrokke is.
Mapulane het gesê die parlement sal nou oor die toekoms van die bedryf moet besluit.
– Netwerk24
Dit is van die bevindings in die verslag van die portefeuljekomitee oor omgewingsake wat gister in die parlement ter tafel gelê is.
“Dit is nou in die hande van die parlement wat moet besluit oor die toekoms van dié omstrede bedryf,” lui die gevolgtrekking in die lywige verslag.
Die portefeuljekomitee het die verslag opgestel ná ’n debat van twee dae wat aan die einde van Augustus in die parlement oor dié bedryf gevoer is.
Die verslag lui dat daar in die debat “oorweldigende konsensus” was dat dié bedryf moet sluit en dat die teel van leeus in gevangenskap gestaak moet word.
Alle rolspelers het saamgestem dat die bedryf géén bewaringswaarde het nie. Boonop is daar etiese en dierewelsynkwessies wat kommer wek. Die feit dat die bedryf Suid-Afrika in ’n swak lig stel, is ’n verdere rede tot ernstige kommer, is bevind.
NEGATIEW PUBLISITEIT
Suid-Afrika kry weens dié bedryf wêreldwyd uiters negatiewe publisiteit. Solank die bedryf voortbestaan, sal internasionale bewaringsbewustes Suid-Afrika se naam deur die modder sleep, lui die verslag.
Die portefeuljekomitee wys daarop dat die land volgens berekeninge deur die Suid-Afrikaanse Instituut vir Internasionale Betrekkinge (SAII) tot soveel as R54 miljard in die volgende dekade aan onder meer toerisme kan verloor as die bedryf toegelaat word om voort te gaan.
Phillemon Mapulane, voorsitter van die komitee, het gesê Suid-Afrika laat ’n praktyk toe wat die res van die wêreld die rug toegekeer het. “Ons moet ’n oplossing vir hierdie situasie vind,” het hy gesê.
In die verslag word ook kritiese vrae gestel oor die sogenaamde “wetenskaplike bevindings” wat die voormalige minister, Edna Molewa, gebruik het toe sy besluit het dat 1 500 skelette van leeus vanjaar uitgevoer mag word.
GEBREK AAN REGULASIES
Die komitee het bevind dat sy haar besluit bloot op ekonomiese beginsels gegrond het. Dit is vir die komitee voorts duidelik dat ’n gebrek aan regulasies en gevolglik wetstoepassing ’n groot probleem in Suid-Afrika is.
Dr. Mark Jones van die Born Free-stigting het daarop gewys dat dié bedryf baie nou met die sluikhandel in wild- en wildprodukte geassosieer word. Hy het gesê die bedryf word regstreeks met die toename in die vraag na donkievelle en -vleis, asook renosterhorings verbind.
Volgens hom het hy strokies van lugdienste ontvang wat wys dat daar waarskynlik reeds in 2016 meer as 1 700 leeuskelette na Vinasakhone Trading in Laos uitgevoer is. Dit is ’n jaar voordat Molewa ’n jaarlikse kwota van 800 leeuskelette vasgestel het.
Jones het gesê die eienaars van hierdie maatskappy word daarvan verdink dat hulle by die sluikhandel in wildprodukte betrokke is.
Mapulane het gesê die parlement sal nou oor die toekoms van die bedryf moet besluit.
– Netwerk24
Kommentaar
Republikein
Geen kommentaar is op hierdie artikel gelaat nie