Kommoditeite kan klim in 2017
Niel Joubert - Vergeet van Brexit en fokus op kommoditeite.
Dit is die beleggingsbank Citigroup se boodskap aan beleggers. Die bank sê hy is “veral bulagtig” oor kommoditeite vir 2017.
Dit is goeie nuus vir lande suid van die Sahara wat kommoditeite uitvoer, insluitend Suid-Afrika, wat die afgelope paar jaar swaar trek weens lae kommoditeitspryse en trae beleggings in kommoditeitsverwante aandele.
Citi se optimisme kom ook slegs twee maande nadat die bank gesê het die markte vir hulpbronne het die onderste punt bereik.
Kommoditeitsgedrewe ontluikende lande sukkel om aan te pas by laer pryse vir olie, metale en ander kommoditeite en Afrika suid van die Sahara het in 2015 met 3,4% gegroei vergeleke met 4% in 2009, sê Coface, wat meen die verlangsaming gaan vanjaar na verwagting voortduur.
Die streek gaan vanjaar volgens die IMF met 3% groei en volgens Coface met 2,6%. Die IMF verwag vanjaar groei van net 0,1% vir Suid-Afrika – en het verlede week vooruitsigte as “ontnugterend en met aansienlike afwaartse risiko’s” beskryf.
Kommoditeitspryse het die afgelope twee jaar met 45% getuimel. Volgens Coface het dit lande wat kommoditeite uitvoer, en veral olie-uitvoerders, die meeste geraak.
Vir sommige lande is dit ’n tweeledige probleem, want nie net het kommoditeitspryse geval nie, maar die Chinese ekonomie het sedert 2010 verlangsaam, wat beteken die lande voer minder kommoditeite na China uit.
Suid-Afrika is onder die tien lande waarvan die ekonomie die meeste verlangsaam het van 2013 tot 2016. Liberië, Ghana en Zambië is ook van die uitvoerders van kommoditeite wat die swaarste getrek het.
Daar is volgens Coface ook plaaslike faktore wat ’n rol speel in die Suid-Afrikaanse verlangsaming, soos die tekort aan elektrisiteit, die impak van El Niño wat tot ’n ernstige droogte gelei het, en probleme met staatsbestuur.
Die risiko’s in sowel dié ekonomieë as dié van olie-uitvoerders het aansienlik toegeneem en die lande se lopende rekeninge het versleg weens die dalende inkomste uit kommoditeitsuitvoer. Die lande se geldeenhede het ook teenoor die Amerikaanse dollar verswak, wat weer inflasiedruk veroorsaak.
Suid-Afrika (en dus Namibië), Angola, Ghana, Nigerië en Zambië se geldeenhede het “massief gedepresieer” teenoor die dollar en dit “gaan waarskynlik nie vanjaar reggestel word nie”. Inflasie in dié lande gaan ook hoër wees as die teikens wat deur sentrale banke gestel is.
“Geldeenhede en kommoditeitspryse het egter in die algemeen gestabiliseer sedert die begin van 2016,” sê Coface.
“Anders as verlede jaar, toe kommoditeitsmarkte in die tweede kwartaal verstewig het, net om skerp te val in die derde namate die ooraanbod voortgeduur het, lyk hierdie oplewing meer volhoubaar,” sê Citi.
Bloomberg se kommoditeitsindeks het in die eerste helfte van die jaar met 13% geklim nadat dit in Januarie vanjaar tot sy laagste vlak in 25 jaar geval het.
Volgens Citi se ekonome gaan die skade aan internasionale groei weens Brexit “beperk wees in omvang en net vir die duur van 2016, terwyl sterker groei uit China en die VSA internasionale groei vir die res van die jaar sal laat kop optel”. - Netwerk24/Bloomberg
Dit is die beleggingsbank Citigroup se boodskap aan beleggers. Die bank sê hy is “veral bulagtig” oor kommoditeite vir 2017.
Dit is goeie nuus vir lande suid van die Sahara wat kommoditeite uitvoer, insluitend Suid-Afrika, wat die afgelope paar jaar swaar trek weens lae kommoditeitspryse en trae beleggings in kommoditeitsverwante aandele.
Citi se optimisme kom ook slegs twee maande nadat die bank gesê het die markte vir hulpbronne het die onderste punt bereik.
Kommoditeitsgedrewe ontluikende lande sukkel om aan te pas by laer pryse vir olie, metale en ander kommoditeite en Afrika suid van die Sahara het in 2015 met 3,4% gegroei vergeleke met 4% in 2009, sê Coface, wat meen die verlangsaming gaan vanjaar na verwagting voortduur.
Die streek gaan vanjaar volgens die IMF met 3% groei en volgens Coface met 2,6%. Die IMF verwag vanjaar groei van net 0,1% vir Suid-Afrika – en het verlede week vooruitsigte as “ontnugterend en met aansienlike afwaartse risiko’s” beskryf.
Kommoditeitspryse het die afgelope twee jaar met 45% getuimel. Volgens Coface het dit lande wat kommoditeite uitvoer, en veral olie-uitvoerders, die meeste geraak.
Vir sommige lande is dit ’n tweeledige probleem, want nie net het kommoditeitspryse geval nie, maar die Chinese ekonomie het sedert 2010 verlangsaam, wat beteken die lande voer minder kommoditeite na China uit.
Suid-Afrika is onder die tien lande waarvan die ekonomie die meeste verlangsaam het van 2013 tot 2016. Liberië, Ghana en Zambië is ook van die uitvoerders van kommoditeite wat die swaarste getrek het.
Daar is volgens Coface ook plaaslike faktore wat ’n rol speel in die Suid-Afrikaanse verlangsaming, soos die tekort aan elektrisiteit, die impak van El Niño wat tot ’n ernstige droogte gelei het, en probleme met staatsbestuur.
Die risiko’s in sowel dié ekonomieë as dié van olie-uitvoerders het aansienlik toegeneem en die lande se lopende rekeninge het versleg weens die dalende inkomste uit kommoditeitsuitvoer. Die lande se geldeenhede het ook teenoor die Amerikaanse dollar verswak, wat weer inflasiedruk veroorsaak.
Suid-Afrika (en dus Namibië), Angola, Ghana, Nigerië en Zambië se geldeenhede het “massief gedepresieer” teenoor die dollar en dit “gaan waarskynlik nie vanjaar reggestel word nie”. Inflasie in dié lande gaan ook hoër wees as die teikens wat deur sentrale banke gestel is.
“Geldeenhede en kommoditeitspryse het egter in die algemeen gestabiliseer sedert die begin van 2016,” sê Coface.
“Anders as verlede jaar, toe kommoditeitsmarkte in die tweede kwartaal verstewig het, net om skerp te val in die derde namate die ooraanbod voortgeduur het, lyk hierdie oplewing meer volhoubaar,” sê Citi.
Bloomberg se kommoditeitsindeks het in die eerste helfte van die jaar met 13% geklim nadat dit in Januarie vanjaar tot sy laagste vlak in 25 jaar geval het.
Volgens Citi se ekonome gaan die skade aan internasionale groei weens Brexit “beperk wees in omvang en net vir die duur van 2016, terwyl sterker groei uit China en die VSA internasionale groei vir die res van die jaar sal laat kop optel”. - Netwerk24/Bloomberg
Kommentaar
Republikein
Geen kommentaar is op hierdie artikel gelaat nie