Konflikleeus gaan verskuif word
Ná 'n trop leeus verlede week 86 bokke en skape afgemaai het, sê die ministerie dit is alle belanghebbendes se plig om mens-dier-konflik te vermy.
Francoise Steynberg - Die ministerie van die omgewing en toerisme gaan die 10 tot 15 leeus wat verlede week 86 bokke en skape naby Grootberg afgemaai het, vang en verskuif.
Volgens die ministerie se woordvoerder, mnr. Romeo Muyunda, word reëlings deur die direktoraat van wildlewe en parke getref om die trop na 'n gebied te verskuif waar hulle nie in konflik met mense gaan wees nie.
"As daar uitdagings is om spesifieke lede van hierdie trop te vang, sal hulle van kant gemaak word, maar ons eerste prioriteit is om hierdie diere te verskuif," het Muyunda gesê.
Dit volg nadat altesaam 86 bokke en skape van verlede week deur sowat 10 leeus in 'n kraal by Awantapos tussen Grootberg en Melkbosrand in die Kunenestreek afgemaai is.
Die leeus kom vermoedelik van Kliprivier af.
Byna die hele lewensbestaan van die boer, mnr. Vitalis Florry, is in een nag uitgewis en selfs die hond is vrekgebyt.
Al wat in die kraal oorgebly het, is 13 boklammertjies.
Die vee was oornag in die kraal toegemaak, is bevestig. Vrese bestaan dat die leeus deur die gemeenskap vergiftig sal word.
Volgens Muyunda het beamptes van die ministerie dadelik na die gebied gegaan nadat hulle van die voorval ingelig is.
"Ons voorlopige ondersoek dui daarop dat die eerste reëns in die Kunenestreek die bewegings van wild laat uitbrei het en dit vir die leeus en ander roofdiere moeilik gemaak het om hul natuurlike prooi te vind," sê die woordvoerder.
"Weersveranderinge lei ook tot mens-dier-konflik waar mense en wild om beskikbare hulpbronne moet meeding. Wild sal altyd beweeg na waar beskikbare water in die veld is," verduidelik hy.
KRALE
Muyunda sê die ministerie het ook opgemerk die kraal waar die bokke en skape gevang is, is nie baie sterk of volgens roofdierbestandheidsvereistes gebou nie.
"Terwyl die ministerie 'n rol en funksie het om plaaslike gemeenskappe en boere te ondersteun om geskikte mens-dier-konflikbestuursplanne te ontwikkel en te implementeer, is dit die verantwoordelikheid van alle burgers, boere, organisasies en staatsorgane om maatreëls in werking te stel om mens-dier-konflik te vermy," beklemtoon Muyunda.
"Almal het 'n plig om te sorg dat redelike maatreëls geïmplementeer word om skade deur wild te voorkom en te verminder."
Muyunda sê 'n verskeidenheid van benaderings kan geïmplementeer word om konflik doeltreffend en effektief te bestuur. Dit sluit in voorkomingstrategieë wat konflik in die eerste plek vermy, aksie om die oorsake te takel, beskermingstrategieë wanneer konflik verseker gaan gebeur of reeds gebeur het, asook strategieë om die impak en die probleem te verminder.
"Een van die strategieë is om die hoeveelheid van die aantal diere te bepaal wat verwyder kan word as daar sulke probleme is. Reaksie op konflik moet vinnig wees, maar gebaseer op die beste beskikbare inligting en bevolkingsyfers moet wetenskaplik aanvaarbare drakragkapasiteit gehandhaaf word," verduidelik Muyunda.
Hy sê die ministerie neem kwessies van mens-dier-konflik ernstig op en daarom word die hersiening van die nasionale beleid oor mens-dier-konflikbestuur gefinaliseer wat deur die kabinet bekragtig is.
"Dit sal nou in die parlement vir finale oorweging en goedkeuring ter tafel gelê word. Onder die beleid is die mens-leeu-konflikbestuursplan vir die Noordweste wat ontwikkel is en ten volle geïplementeer sal word," het Muyunda gesê.
Volgens die ministerie se woordvoerder, mnr. Romeo Muyunda, word reëlings deur die direktoraat van wildlewe en parke getref om die trop na 'n gebied te verskuif waar hulle nie in konflik met mense gaan wees nie.
"As daar uitdagings is om spesifieke lede van hierdie trop te vang, sal hulle van kant gemaak word, maar ons eerste prioriteit is om hierdie diere te verskuif," het Muyunda gesê.
Dit volg nadat altesaam 86 bokke en skape van verlede week deur sowat 10 leeus in 'n kraal by Awantapos tussen Grootberg en Melkbosrand in die Kunenestreek afgemaai is.
Die leeus kom vermoedelik van Kliprivier af.
Byna die hele lewensbestaan van die boer, mnr. Vitalis Florry, is in een nag uitgewis en selfs die hond is vrekgebyt.
Al wat in die kraal oorgebly het, is 13 boklammertjies.
Die vee was oornag in die kraal toegemaak, is bevestig. Vrese bestaan dat die leeus deur die gemeenskap vergiftig sal word.
Volgens Muyunda het beamptes van die ministerie dadelik na die gebied gegaan nadat hulle van die voorval ingelig is.
"Ons voorlopige ondersoek dui daarop dat die eerste reëns in die Kunenestreek die bewegings van wild laat uitbrei het en dit vir die leeus en ander roofdiere moeilik gemaak het om hul natuurlike prooi te vind," sê die woordvoerder.
"Weersveranderinge lei ook tot mens-dier-konflik waar mense en wild om beskikbare hulpbronne moet meeding. Wild sal altyd beweeg na waar beskikbare water in die veld is," verduidelik hy.
KRALE
Muyunda sê die ministerie het ook opgemerk die kraal waar die bokke en skape gevang is, is nie baie sterk of volgens roofdierbestandheidsvereistes gebou nie.
"Terwyl die ministerie 'n rol en funksie het om plaaslike gemeenskappe en boere te ondersteun om geskikte mens-dier-konflikbestuursplanne te ontwikkel en te implementeer, is dit die verantwoordelikheid van alle burgers, boere, organisasies en staatsorgane om maatreëls in werking te stel om mens-dier-konflik te vermy," beklemtoon Muyunda.
"Almal het 'n plig om te sorg dat redelike maatreëls geïmplementeer word om skade deur wild te voorkom en te verminder."
Muyunda sê 'n verskeidenheid van benaderings kan geïmplementeer word om konflik doeltreffend en effektief te bestuur. Dit sluit in voorkomingstrategieë wat konflik in die eerste plek vermy, aksie om die oorsake te takel, beskermingstrategieë wanneer konflik verseker gaan gebeur of reeds gebeur het, asook strategieë om die impak en die probleem te verminder.
"Een van die strategieë is om die hoeveelheid van die aantal diere te bepaal wat verwyder kan word as daar sulke probleme is. Reaksie op konflik moet vinnig wees, maar gebaseer op die beste beskikbare inligting en bevolkingsyfers moet wetenskaplik aanvaarbare drakragkapasiteit gehandhaaf word," verduidelik Muyunda.
Hy sê die ministerie neem kwessies van mens-dier-konflik ernstig op en daarom word die hersiening van die nasionale beleid oor mens-dier-konflikbestuur gefinaliseer wat deur die kabinet bekragtig is.
"Dit sal nou in die parlement vir finale oorweging en goedkeuring ter tafel gelê word. Onder die beleid is die mens-leeu-konflikbestuursplan vir die Noordweste wat ontwikkel is en ten volle geïplementeer sal word," het Muyunda gesê.
Kommentaar
Republikein
Geen kommentaar is op hierdie artikel gelaat nie