Kongokoors: Vrou glo stabiel
Toetsuitslae moet bevestig of 'n man van die Noorde Dinsdag wel aan Kongokoors gesterf het.
Henriette Lamprecht - Die 54-jarige vrou van die Ontananga-nedersetting in die Oshikotostreek wat met Kongokoors in die hospitaal opgeneem is, verkeer in ’n stabiele toestand.
Intussen word steeds op die uitslae van toetse gewag om te bepaal of ‘n 77-jarige man van dieselfde nedersetting, wat Dinsdag in die Onandjokwe-distrikshospitaal dood is, aan die siekte gesterf het.
Volgens me. Selma Roberts-Matyenyika, nasionale waarnemingsbeampte by die ministerie van gesondheid en maatskaplike dienste (MoHSS), was die man die vrou, wat tans in die hospitaal vir die siekte behandel word, se buurman.
Roberts-Matyenyika het voorts gesê die uitslae van die toetse word vandag of môre verwag.
Volgens haar is die man Dinsdagmiddag reeds volgens riglyne vir ‘n veilige begrafnis begrawe, soos wat vereis word wanneer Kongokoors – ‘n hoogs aansteeklike virale siekte – vermoed word.
“Die begrafnis moet aan streng beheermaatreëls vir hoogs aansteeklike siektes voldoen om die risiko van besmetting tot die minimum te beperk. Dit beteken die persoon moet binne vier ure ná sterfte begrawe word,” het Roberts- Matyenyika gesê.
Sy het verduidelik alles wat tydens die behandeling van die pasiënt gebruik is, insluitende beddegoed en klerasie, word saam met die oorledene begrawe.
‘n Span, wat spesiaal vir die taak opgelei is en beskermende klere dra, is die enigste mense wat die lyk en begrafnis mag hanteer.
Die oorledene word in ‘n spesiale sak en ‘n spesifieke afstand van ander mense af begrawe.
“Wanneer iemand aan die siekte sterf, kontak ons die naaste dorpsraad onmiddellik om ‘n geskikte perseel aan te wys waar die persoon begrawe kan word. Die graf is ook dubbel die grootte van ‘n normale graf, en familielede wat die begrafnis bywoon, word beperk.”
Volgens Roberts-Matyenyika moet familielede 50 tot 100 m van die graf af staan, omdat hulle nie beskermende klere aanhet nie.
Sy het gesê enigiemand wat in kontak was met iemand wat vermoedelik Kongokoors het, word daagliks vir 13 dae, die siekte se inkubasietydperk, gemonitor.
In die geval van die man wat vermoedelik aan die siekte gesterf het, word sy vrou vir waarneming in kwarantyn gehou om te sien of sy simptome van die siekte ontwikkel.
Intussen word steeds op die uitslae van toetse gewag om te bepaal of ‘n 77-jarige man van dieselfde nedersetting, wat Dinsdag in die Onandjokwe-distrikshospitaal dood is, aan die siekte gesterf het.
Volgens me. Selma Roberts-Matyenyika, nasionale waarnemingsbeampte by die ministerie van gesondheid en maatskaplike dienste (MoHSS), was die man die vrou, wat tans in die hospitaal vir die siekte behandel word, se buurman.
Roberts-Matyenyika het voorts gesê die uitslae van die toetse word vandag of môre verwag.
Volgens haar is die man Dinsdagmiddag reeds volgens riglyne vir ‘n veilige begrafnis begrawe, soos wat vereis word wanneer Kongokoors – ‘n hoogs aansteeklike virale siekte – vermoed word.
“Die begrafnis moet aan streng beheermaatreëls vir hoogs aansteeklike siektes voldoen om die risiko van besmetting tot die minimum te beperk. Dit beteken die persoon moet binne vier ure ná sterfte begrawe word,” het Roberts- Matyenyika gesê.
Sy het verduidelik alles wat tydens die behandeling van die pasiënt gebruik is, insluitende beddegoed en klerasie, word saam met die oorledene begrawe.
‘n Span, wat spesiaal vir die taak opgelei is en beskermende klere dra, is die enigste mense wat die lyk en begrafnis mag hanteer.
Die oorledene word in ‘n spesiale sak en ‘n spesifieke afstand van ander mense af begrawe.
“Wanneer iemand aan die siekte sterf, kontak ons die naaste dorpsraad onmiddellik om ‘n geskikte perseel aan te wys waar die persoon begrawe kan word. Die graf is ook dubbel die grootte van ‘n normale graf, en familielede wat die begrafnis bywoon, word beperk.”
Volgens Roberts-Matyenyika moet familielede 50 tot 100 m van die graf af staan, omdat hulle nie beskermende klere aanhet nie.
Sy het gesê enigiemand wat in kontak was met iemand wat vermoedelik Kongokoors het, word daagliks vir 13 dae, die siekte se inkubasietydperk, gemonitor.
In die geval van die man wat vermoedelik aan die siekte gesterf het, word sy vrou vir waarneming in kwarantyn gehou om te sien of sy simptome van die siekte ontwikkel.
Kommentaar
Republikein
Geen kommentaar is op hierdie artikel gelaat nie