Kontaksport mag voortgaan, gimnasiums oop

President Hage Geingob het as deel van die nuwe regulasies teen Covid-19 aangekondig kontaksport mag sonder toeskouers weer afskop. Openbare byeenkomste mag nou deur 100 persone bygewoon word. Die aandklokreël van 22:00 tot 04:00 bly in plek. Alkohol mag van Maandag tot Vrydag verkoop word. Restaurante mag op die perseel alkohol tot 22:00 verkoop. Skole is oop met volle kapasiteit. Gimnasiums en nagklubs mag weer hul deure open, maar met die helfte van hul kapasiteit. Met verwysing na openbare vervoer, geld die reël steeds van die helfte van hul kapasiteit. Begrafnisse van persone wat aan Covid-19 gesterf het, moet binne tien dae begrawe word en hier geld die reël ook van 100 roubeklaers wat dit mag bywoon.