Kontrak aan Zuma-raadgewer: DA wil feite hê
Die DA wil die Wet op die Bevordering van Toegang tot Inligting (Paia) gebruik om afskrifte te probeer kry van tenderdokumente waarmee Eskom ’n kontrak van byna R150 miljoen toegeken het aan Silas Zimu, raadgewer oor energiesake aan pres. Jacob Zuma.
Natasha Mazzone, DA-woordvoerder oor openbare ondernemings, het Sondag in ’n verklaring gesê die DA is verontrus oor berigte dat Eskom Cape Gate Marepha (CGM), ’n maatskappy waarvan Zimu nie-uitvoerende direkteur is, gekontrakteer het om bedrading te verskaf.
“Dit is skokkend dat Zimu as raadgewer nie sy belang in CGM verklaar het nie en dat pres. Zuma dit wys geag het om ’n raadgewer te behou wat terselfdertyd voordeel getrek het uit die besteding van belastinggeld in die energiesektor,” aldus ’n berig in die Sunday Times.
Die kontrak het volgens die Sunday Times aan die lig gekom tydens ’n oudit deur die ouditeur-generaal waarin 12 transaksies waarby staatsamptenare betrokke is, uitgelig is.
Zimu, wat sedert middel 2015 as raadgewer vir Zuma optree, het luidens die berig gesê hy is ’n nie-uitvoerende direkteur wat byna glad nie aktief (op die direksie) was nie.
Hy het in November verlede jaar uit die direksie bedank, maar het weens sy besige dagboek nagelaat om die direksie van sy bedanking in te lig.
Die bedankingsbrief is op sy lessenaar en hy sal sy persoonlike assistent vra wanneer die volgende vergadering is sodat hy sy bedanking uit die direksie kan indien.
Die presidensie het volgens die berig gesê hy is nie bewus van Zimu se doen en late nie en sal met hom daaroor praat.
Die DA glo Eskom moet antwoorde gee oor Zimu se konflik van belange deur volledige dokumente oor die tenderproses openbaar te maak.
Dit is volgens die DA nog ’n verdoemende kwessie waaroor Eskom in die reine moet kom.
Onlangse “skandale” sluit in die toekenning van tenders van R1 miljard aan ’n maatskappy waarvan die stiefdogter van Matshela Koko, uitvoerende hoof van Eskom, ’n direksielid was.
Die reputasie van Eskom is onder ’n enorme wolk. In plaas daarvan dat dié entiteit werk skep, skrik staatsondernemings soos Eskom beleggers af, sê Mazzone. Netwerk24
Natasha Mazzone, DA-woordvoerder oor openbare ondernemings, het Sondag in ’n verklaring gesê die DA is verontrus oor berigte dat Eskom Cape Gate Marepha (CGM), ’n maatskappy waarvan Zimu nie-uitvoerende direkteur is, gekontrakteer het om bedrading te verskaf.
“Dit is skokkend dat Zimu as raadgewer nie sy belang in CGM verklaar het nie en dat pres. Zuma dit wys geag het om ’n raadgewer te behou wat terselfdertyd voordeel getrek het uit die besteding van belastinggeld in die energiesektor,” aldus ’n berig in die Sunday Times.
Die kontrak het volgens die Sunday Times aan die lig gekom tydens ’n oudit deur die ouditeur-generaal waarin 12 transaksies waarby staatsamptenare betrokke is, uitgelig is.
Zimu, wat sedert middel 2015 as raadgewer vir Zuma optree, het luidens die berig gesê hy is ’n nie-uitvoerende direkteur wat byna glad nie aktief (op die direksie) was nie.
Hy het in November verlede jaar uit die direksie bedank, maar het weens sy besige dagboek nagelaat om die direksie van sy bedanking in te lig.
Die bedankingsbrief is op sy lessenaar en hy sal sy persoonlike assistent vra wanneer die volgende vergadering is sodat hy sy bedanking uit die direksie kan indien.
Die presidensie het volgens die berig gesê hy is nie bewus van Zimu se doen en late nie en sal met hom daaroor praat.
Die DA glo Eskom moet antwoorde gee oor Zimu se konflik van belange deur volledige dokumente oor die tenderproses openbaar te maak.
Dit is volgens die DA nog ’n verdoemende kwessie waaroor Eskom in die reine moet kom.
Onlangse “skandale” sluit in die toekenning van tenders van R1 miljard aan ’n maatskappy waarvan die stiefdogter van Matshela Koko, uitvoerende hoof van Eskom, ’n direksielid was.
Die reputasie van Eskom is onder ’n enorme wolk. In plaas daarvan dat dié entiteit werk skep, skrik staatsondernemings soos Eskom beleggers af, sê Mazzone. Netwerk24
Kommentaar
Republikein
Geen kommentaar is op hierdie artikel gelaat nie