Koperfees skitter weer
Leiers doen ’n beroep op vernuwing en kliëntediens vir toekomstige ekonomiese groei.
Augetto Graig – Die 16de Koperfees het vanaf Woensdag 31 Oktober tot Sondag 4 November op Tsumeb plaasgevind.
Soos altyd het die dorp weer gewemel van sakebedrywighede, pret, heerlike etes en gesellige saamkuier.
Vanjaar se feestema was “Koper, Tsumeb se skat”.
Tydens die amptelike opening het die eregas, die adjunk- eerste minister en minister van internasionale betrekkinge en samewerking, me. Netumbo Nandi-Ndaitwah, gesê die tema is uiters gepas. “Tsumeb en koper is sinoniem.”
Sy het voorts ’n beroep op inwoners van Tsumeb gedoen om meer waarde uit koper te put en om ander minerale hulpbronne te ontgin wat in die gebied voorkom.
Volgens Nandi-Ndaitwah moet meer waarde aan koper geheg word deur meer produkte op eie bodem daaruit te vervaardig.
“Ná die eerste industriële revolusie word koper gebruik in die bedrading van elektriese opwekkers en motors, televisies, radiostelle en juwele. Om dié rede doen ek ’n beroep op ons innoveerders: Werk saam om ons koper beter te gebruik deur waarde toe te voeg ten einde ons ekonomie te laat ontwikkel.”
Sy sou ook graag wil sien dat landbouondernemings om die dorp verder ontwikkel. “Veral die kweek van sitrusvrugte en gewasse moet aandag geniet.”
Voorts het die minister gesê toerisme-geleenthede in die dorp en omgewing moet aangegryp word.
Sy sê sy is tevrede met die saamstel van ’n strategiese plan vir die ekonomiese ontwikkeling van die Tsumeb-, Grootfontein- en Otavi-“driehoek”, en het ook verwys na beplande ontwikkeling vir die komende boekjaar. Dit sluit onder meer die vestiging van ’n nywerheidspark, ’n aanleg vir mediese afval en die AMTA-bergingsfasiliteit vir vars produkte in.
Nandi-Ndaitwah is ook in haar noppies oor planne om ’n fasiliteit vir jong entrepreneurs op Tsumeb op te rig, asook om in die toekoms ’n universiteit daar te vestig.
Op sy beurt het mnr. Zebra Kasete, die adjunkpresident en besturende direkteur van Dundee Precious Metals (’n langtermynborg van die Koperfees), gesê Tsumeb is strategies geleë, met toegang tot beide spoor- en padvervoer.
Hy het tydens sy toespraak veral gefokus op die belangrikheid van kliëntediens ten einde geleenthede op die dorp ten volle te benut, veral in terme van toerisme, logistiek, landbou, mynbou en die ontginning van minerale, wat deur goeie kliëntediens ’n werklikheid kan word.
Ander hooggeplaasdes wat die opening bygewoon het, was Tsumeb se burgemeester, mnr. Mathews Hangula, en die minister van verdediging en oudgoewerneur van die Oshikotostreek, mnr. Penda ya Ndakolo.
Soos altyd het die dorp weer gewemel van sakebedrywighede, pret, heerlike etes en gesellige saamkuier.
Vanjaar se feestema was “Koper, Tsumeb se skat”.
Tydens die amptelike opening het die eregas, die adjunk- eerste minister en minister van internasionale betrekkinge en samewerking, me. Netumbo Nandi-Ndaitwah, gesê die tema is uiters gepas. “Tsumeb en koper is sinoniem.”
Sy het voorts ’n beroep op inwoners van Tsumeb gedoen om meer waarde uit koper te put en om ander minerale hulpbronne te ontgin wat in die gebied voorkom.
Volgens Nandi-Ndaitwah moet meer waarde aan koper geheg word deur meer produkte op eie bodem daaruit te vervaardig.
“Ná die eerste industriële revolusie word koper gebruik in die bedrading van elektriese opwekkers en motors, televisies, radiostelle en juwele. Om dié rede doen ek ’n beroep op ons innoveerders: Werk saam om ons koper beter te gebruik deur waarde toe te voeg ten einde ons ekonomie te laat ontwikkel.”
Sy sou ook graag wil sien dat landbouondernemings om die dorp verder ontwikkel. “Veral die kweek van sitrusvrugte en gewasse moet aandag geniet.”
Voorts het die minister gesê toerisme-geleenthede in die dorp en omgewing moet aangegryp word.
Sy sê sy is tevrede met die saamstel van ’n strategiese plan vir die ekonomiese ontwikkeling van die Tsumeb-, Grootfontein- en Otavi-“driehoek”, en het ook verwys na beplande ontwikkeling vir die komende boekjaar. Dit sluit onder meer die vestiging van ’n nywerheidspark, ’n aanleg vir mediese afval en die AMTA-bergingsfasiliteit vir vars produkte in.
Nandi-Ndaitwah is ook in haar noppies oor planne om ’n fasiliteit vir jong entrepreneurs op Tsumeb op te rig, asook om in die toekoms ’n universiteit daar te vestig.
Op sy beurt het mnr. Zebra Kasete, die adjunkpresident en besturende direkteur van Dundee Precious Metals (’n langtermynborg van die Koperfees), gesê Tsumeb is strategies geleë, met toegang tot beide spoor- en padvervoer.
Hy het tydens sy toespraak veral gefokus op die belangrikheid van kliëntediens ten einde geleenthede op die dorp ten volle te benut, veral in terme van toerisme, logistiek, landbou, mynbou en die ontginning van minerale, wat deur goeie kliëntediens ’n werklikheid kan word.
Ander hooggeplaasdes wat die opening bygewoon het, was Tsumeb se burgemeester, mnr. Mathews Hangula, en die minister van verdediging en oudgoewerneur van die Oshikotostreek, mnr. Penda ya Ndakolo.
Kommentaar
Republikein
Geen kommentaar is op hierdie artikel gelaat nie