Kort nuus: Baba verdrink; whiskey in skole
BABA VERDRINK
Victoria Nambundu (1) het Sondag omstreeks 16:00 na bewering in ’n emmer water verdrink terwyl haar pa geslaap het. Haar ma het haar glo in die sorg van haar pa gelos. Die voorval het in die Mutwarantja-nedersetting in die Kavango-Oosstreek plaasgevind.
ONGELUK EIS LEWENS
Kangandu Rutando (33) en Kativa Patricia (20) is Sondag omstreeks 18:00 in ’n motorongeluk op die pad tussen Mbambi en Cuma in die Kavango-Oosstreek dood. Die bestuurder het beheer oor die voertuig verloor en dit het omgeslaan. Die bestuurder en nog twee passasiers is lig beseer.
WHISKEY IN SKOLE
Na bewering dwing ’n sindikaat leerlinge in die Kavangostreke om gesmokkelde Angolese whiskey bekend as kizomba of kapopora te verkoop. Die whiskey word vir tussen N$3 en N$5 per sakkie verkoop wat die leerlinge en gemeenskapslede drink.
Sewe leerlinge van die Sekondêre Skool Romanus Kamunoko is in die besit van dié drank gevind en na ’n ondersoek is leë sakkies in die toilette gevind. Die kinders is huis toe gestuur en kan terug skool toe gaan as hul ouers hul begelei.
– [email protected]
Victoria Nambundu (1) het Sondag omstreeks 16:00 na bewering in ’n emmer water verdrink terwyl haar pa geslaap het. Haar ma het haar glo in die sorg van haar pa gelos. Die voorval het in die Mutwarantja-nedersetting in die Kavango-Oosstreek plaasgevind.
ONGELUK EIS LEWENS
Kangandu Rutando (33) en Kativa Patricia (20) is Sondag omstreeks 18:00 in ’n motorongeluk op die pad tussen Mbambi en Cuma in die Kavango-Oosstreek dood. Die bestuurder het beheer oor die voertuig verloor en dit het omgeslaan. Die bestuurder en nog twee passasiers is lig beseer.
WHISKEY IN SKOLE
Na bewering dwing ’n sindikaat leerlinge in die Kavangostreke om gesmokkelde Angolese whiskey bekend as kizomba of kapopora te verkoop. Die whiskey word vir tussen N$3 en N$5 per sakkie verkoop wat die leerlinge en gemeenskapslede drink.
Sewe leerlinge van die Sekondêre Skool Romanus Kamunoko is in die besit van dié drank gevind en na ’n ondersoek is leë sakkies in die toilette gevind. Die kinders is huis toe gestuur en kan terug skool toe gaan as hul ouers hul begelei.
– [email protected]
Kommentaar
Republikein
Geen kommentaar is op hierdie artikel gelaat nie