Kort nuus: Misdaad

WanahedaHamer as moordwapenMnr. Josef Fillemon (45) is Saterdag omstreeks 00:30 in Merustraat in die Babylon-woonbuurt met 'n hamer op sy voorkop geslaan. Hy het op die toneel gesterf. "Fillemon en die verdagte het na bewering baklei. Fillemon het die verdagte glo met sy hamer geslaan. Die verdagte het Fillemon toe glo oorval en die hamer by hom afgevat waarna hy hom die doodshou toegedien het," lui die Namibiese polisie se misdaadverslag. Die verdagte is in die Katutura-staatshospitaal met kopbeserings en 'n gebreekte regterarm opgeneem. Die polisieondersoek duur voort. HakahanaMan sterf aan meswond Mnr. Lugambo Simon Natangwe (37) is Saterdag omstreeks middernag by die Okasisiti-kroeg met 'n mes in sy nek gesteek en het op die toneel gesterf. Volgens die polisie se verslag is die rede vir die aanval nie bekend nie en het die verdagte van die toneel gevlug. Niemand is al is in hegtenis geneem nie en die polisieondersoek duur voort. UsakosPolisie op moordverdagte se spoorTwee verdagtes het Saterdag omstreeks 03:00 'n 24-jarige man se sinkhuis besoek en hom glo na buite geroep. "Sy meisie was ten tyde van die voorval saam met hom in die sinkhuis toe hy na buite geroep is. Hy is glo aangerand, met 'n skerp voorwerp in die bors gesteek en het op die toneel gesterf," lui die polisieverslag. Een verdagte is in hegtenis geneem en die polisie het 'n soektog na die tweede van stapel gestuur. Die oorledene se naasbestaandes is van sy dood ingelig. AussenkehrSkietvoorval 'oor bier''n Klag van poging tot moord is aanhangig gemaak nadat 'n man (53) Vrydag omstreeks 18:30 by 'n cuca-winkel in Blok 5 glo 'n ander man (37) met 'n gelisensieerde pistool in die linkerarm geskiet het ná 'n bakleiery oor tradisionele bier. Die polisie het die verdagte in hegtenis geneem en beslag op sy vuurwapen gelê. Die slagoffer is in die Karasburg-staatshospitaal opgeneem en verkeer in 'n stabiele toestand. TsesOngeluk eis 22-jarige'n Ongeluk Saterdag omstreeks middernag op die M0098-grondpad tussen Tses en Berseba het die bestuurder van 'n bakkie, mnr. R.G. Coetzee (22), se lewe geëis. "Coetzee het na bewering beheer oor die bakkie verloor waarna dit omgeslaan het. Hy is op die toneel oorlede en sy passasier is ernstig beseer," sê die polisie. Die passasier is in die Keetmanshoop-staatshospitaal opgeneem. MarientalGeslagsgeweld'n Dertigjarige man het Saterdag tussen 23:00 en middernag 'n vrou (21) by die Withuis glo met 'n mes in die agterkop gesteek en haar na sy huis gesleep en verkrag. Die verdagte is in hegtenis geneem en klagte van geslagsgeweld en verkragting is teen die man aanhangig gemaak. OtjiwarongoVerstandelik gestremde vrou verkrag'n Man (24) het Vrydag om 04:00 glo 'n verstandelik gestremde vrou in die bosse agter die treinstasie verkrag. "Die verdagte het die slagoffer glo by die 435-nagklub gekry en haar die bosse ingesleep. 'n Veiligheidswag, wat 'n getuie van die verkragting was, het die polisie daarvan ingelig," sê die polisie. Die verdagte is in hegtenis geneem.

Kort nuus: Misdaad

Kommentaar

Republikein 2025-04-18

Meld asseblief aan om kommentaar te lewer

Kort nuus: Misdaad

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie