Kortnuus 8 Desember 2021
Keetmanshoop
Pensioenarisse skuld byna N$7 m.
Inwoners van aftree-ouderdom het aan die einde van Oktober gesamentlik N$6,79 miljoen aan Keetmanshoop se munisipaliteit geskuld.
Volgens woordvoerder Dawn Kruger is oplossings dringend nodig, veral wat pensioenarisse se skuld betref. Die munisipaliteit is besig met ‘n oudit van alle skuld.
Kruger het gesê weens die afslag vir pensioenarisse lig familie dikwels nie die munisipaliteit in wanneer hulle sterf nie.
Inwoners het tot 31 Maart 2022 om die inligting aan te meld. Toestemming sal van die regering gevra word om oorledenes se skuld af te skryf en rekeninge sal gesluit word.
Die munisipaliteit ondersoek ook die moontlikheid om boorgatwater vir gebruik te suiwer. Volgens Kruger sal dit die dorp se afhanklikheid van NamWater verminder. – Nampa
Onandjamba
Shipanga beloof water in 2022
Sakeman Martin Shipanga het as nuwe hoofman van Onandjamba beloof inwoners sal volgende jaar oor voldoende water beskik.
Een van sy senior raadslede, mnr. Vilho Kamanja, het beweringe dat die koning leiers vanaf ‘n vooraf opgestelde lys kies as skinderstories verwerp.
Volgens Shipanga is dit hartseer dat baie mense nog nie toegang tot basiese dienste het nie. – Tuyeimo Haidula
Otjiwarongo
Swapo skors sy koördineerder
Die regerende party se bestuur in Otjozondjupa het Maandag hul streekskoördineerder, me. Susan Hikopua, onbepaald van haar pligte onthef.
Volgens streekstesourier Patrick Xoagub behels die klagtes magsmisbruik, ongehoorsaamheid en die wanaanwending van partygeld en -eiendom. Hikopua het glo ook ampsverkiesings op Otjiwarongo en Grootfontein ontspoor. – Nampa
Pensioenarisse skuld byna N$7 m.
Inwoners van aftree-ouderdom het aan die einde van Oktober gesamentlik N$6,79 miljoen aan Keetmanshoop se munisipaliteit geskuld.
Volgens woordvoerder Dawn Kruger is oplossings dringend nodig, veral wat pensioenarisse se skuld betref. Die munisipaliteit is besig met ‘n oudit van alle skuld.
Kruger het gesê weens die afslag vir pensioenarisse lig familie dikwels nie die munisipaliteit in wanneer hulle sterf nie.
Inwoners het tot 31 Maart 2022 om die inligting aan te meld. Toestemming sal van die regering gevra word om oorledenes se skuld af te skryf en rekeninge sal gesluit word.
Die munisipaliteit ondersoek ook die moontlikheid om boorgatwater vir gebruik te suiwer. Volgens Kruger sal dit die dorp se afhanklikheid van NamWater verminder. – Nampa
Onandjamba
Shipanga beloof water in 2022
Sakeman Martin Shipanga het as nuwe hoofman van Onandjamba beloof inwoners sal volgende jaar oor voldoende water beskik.
Een van sy senior raadslede, mnr. Vilho Kamanja, het beweringe dat die koning leiers vanaf ‘n vooraf opgestelde lys kies as skinderstories verwerp.
Volgens Shipanga is dit hartseer dat baie mense nog nie toegang tot basiese dienste het nie. – Tuyeimo Haidula
Otjiwarongo
Swapo skors sy koördineerder
Die regerende party se bestuur in Otjozondjupa het Maandag hul streekskoördineerder, me. Susan Hikopua, onbepaald van haar pligte onthef.
Volgens streekstesourier Patrick Xoagub behels die klagtes magsmisbruik, ongehoorsaamheid en die wanaanwending van partygeld en -eiendom. Hikopua het glo ook ampsverkiesings op Otjiwarongo en Grootfontein ontspoor. – Nampa
Kommentaar
Republikein
Geen kommentaar is op hierdie artikel gelaat nie