Krag weer aan op Rundu

Elektrisiteittoevoer is volgens die Namibiese Persagentskap (Nampa) na Rundu se sakesentrum en die Tutungeni-buurt herstel.
Volgens NamPower kon hulle uiteindelik vasstel dat ‘n kompartement van die substasie uitgebrand het.
‘n Mobiele substasie is Dinsdag vanaf Okatope na Rundu geskuif, terwyl ‘n ondersteuningspan ook uit Windhoek na die Kavango-Oos moes opruk.
NamPower het opnuut verskoning vir die kragonderbreking gemaak wat Maandagoggend begin het.