Kragkrisis: 'Dank Pravin af!' eis drukgroep
Petrus Malherbe - Die South African Energy Forum (SAEF) lê die “foute” by Eskom voor die deur van Pravin Gordhan, minister van openbare ondernemings, en eis dat hy as 'n prioriteit uit sy pos verwyder word.
Die SAEF is 'n betreklik nuwe drukgroep wat in 2018 gestig is en bestaan uit sakelui in die energiebedryf.
In 'n verklaring sê die groep hy was, nes die res van Suid-Afrika, “in skok en ontsteld” toe beurtkrag weer oor die naweek ingestel moes word, veral gegewe dat pres. Cyril Ramaphosa in Desember belowe het dat beurtkrag “tot minstens 13 Januarie” nie ingestel gaan word nie.
Volgens die SAEF lyk Ramaphosa nou soos 'n “leuenaar” en “baie oningelig” oor die omvang van Eskom se probleme.
Die president het hom nou ook skuldig gemaak aan “meineed”, sê die SAEF.
“Dis duidelik dat Eskom nie meer onder bekwame leiding is onder die minister van openbare ondernemings nie.”
Die SAEF eis dat Gordhan verwyder word as die minister wat vir Eskom verantwoordelik is.
Die groep eis ook dat Eskom weer onder die beheer van die departement van minerale bronne en energie, en dus Gwede Mantashe, geplaas word omdat “bevoegdheid” daar heers.
“Ons kan as Suid-Afrikaners nie meer die onbevoegdheid en nalatigheid van die verteenwoordigers, direksie en voorsitters van Eskom duld nie.”
Die SAEF bevraagteken ook weer die aanstelling van André de Ruyter as die nuwe uitvoerende hoof van Eskom.
De Ruyter het vandeesweek amptelik in dié pos begin.
Volgens die SAEF is De Ruyter “heeltemal onervare” om die pos te beklee en boonop is hy ook “nie-transformerend”.
De Ruyter was voorheen die uitvoerende hoof van die verpakkingsmaatskappy Nampak.
“De Ruyter is bekend vir die verwoesting van waarde (vir aandeelhouers) by Nampak en sal net so verwoestend by Eskom wees.”
Die groep meen die bestuur van Eskom “is nie so eenvoudig soos om bokse te pak nie”.
- Netwerk24
Die SAEF is 'n betreklik nuwe drukgroep wat in 2018 gestig is en bestaan uit sakelui in die energiebedryf.
In 'n verklaring sê die groep hy was, nes die res van Suid-Afrika, “in skok en ontsteld” toe beurtkrag weer oor die naweek ingestel moes word, veral gegewe dat pres. Cyril Ramaphosa in Desember belowe het dat beurtkrag “tot minstens 13 Januarie” nie ingestel gaan word nie.
Volgens die SAEF lyk Ramaphosa nou soos 'n “leuenaar” en “baie oningelig” oor die omvang van Eskom se probleme.
Die president het hom nou ook skuldig gemaak aan “meineed”, sê die SAEF.
“Dis duidelik dat Eskom nie meer onder bekwame leiding is onder die minister van openbare ondernemings nie.”
Die SAEF eis dat Gordhan verwyder word as die minister wat vir Eskom verantwoordelik is.
Die groep eis ook dat Eskom weer onder die beheer van die departement van minerale bronne en energie, en dus Gwede Mantashe, geplaas word omdat “bevoegdheid” daar heers.
“Ons kan as Suid-Afrikaners nie meer die onbevoegdheid en nalatigheid van die verteenwoordigers, direksie en voorsitters van Eskom duld nie.”
Die SAEF bevraagteken ook weer die aanstelling van André de Ruyter as die nuwe uitvoerende hoof van Eskom.
De Ruyter het vandeesweek amptelik in dié pos begin.
Volgens die SAEF is De Ruyter “heeltemal onervare” om die pos te beklee en boonop is hy ook “nie-transformerend”.
De Ruyter was voorheen die uitvoerende hoof van die verpakkingsmaatskappy Nampak.
“De Ruyter is bekend vir die verwoesting van waarde (vir aandeelhouers) by Nampak en sal net so verwoestend by Eskom wees.”
Die groep meen die bestuur van Eskom “is nie so eenvoudig soos om bokse te pak nie”.
- Netwerk24
Kommentaar
Republikein
Geen kommentaar is op hierdie artikel gelaat nie