Kragpryse dra by tot ‘koste-knyptang’ vir landbou – Agri WK
Luidens ’n verklaring behoort Eskom sy kostestruktuur in groter besonderhede aan die publiek beskikbaar te stel.
Agri Wes-Kaap het Woensdag gesê hy is nie oortuig daarvan dat Eskom se versoek om R27 miljard se ekstra inkomste van kragverbruikers te verhaal geregverdig is nie.
Jannie Strydom, uitvoerende hoof van Agri Wes-Kaap, sê in ’n verklaring die vraag na elektrisiteit in die landbousektor is grootliks onelasties en produsente kan min doen om die koste op kort termyn te verminder, terwyl dit tot 20% van hul direkte koste kan uitmaak.
“Die feit dat die koste van elektrisiteit die afgelope dekade met meer as inflasie gestyg het, en produkpryse nie ooreenkomstig gestyg het nie, bevestig die erns van die situasie. Dit dra dus by tot die kosteknyptang-effek waarin landbou-produsente hulle bevind.”
Dié landbou-organisasie het ’n voorlegging gelewer met die openbare verhoor van die nasionale energiereguleerder (Nersa) in Kaapstad oor Eskom se aansuiweringsrekening-aansoek (RCA) vir die boekjaar 2018-’19.
Dit kan kragtariewe met sowat 6% per jaar laat styg.
Volgens Strydom kan die tydsverloop tussen Eskom se aansoeke, Nersa se besluite en die uiteindelike optrede van Eskom tot onvoorsiene risiko’s lei.
“Daar is bloot te veel sake in die aansoek wat onduidelik is en wat dui op Nersa en Eskom wat na ons mening hoegenaamd nie op dieselfde bladsy is nie. Dit is duidelik uit die verskille in sienings oor hoe kapitaaluitgawes verreken moet word en die invloed daarvan op kontantvloei, reuseverskille tussen goedgekeurde en werklike dieselverbruik, groot variasies tussen goedgekeurde en werklike energiekoste, onrealistiese verwagtinge ten opsigte van die aflegging van werknemers, en soortgelyke RCA-aansoeke wat steeds nie vir die vorige drie jaar hanteer is nie en tot regsprosesse gelei het.”
Strydom sê verder die feit dat Eskom volgens aanduidings in die aansoek nie renteverpligtinge uit lopende inkomste kan dek nie, “dui daarop dat dit nie as lopende saak beskou kan word nie”. “Dié instelling bevind homself in ’n skuldstrik wat ’n ernstige bron van kommer is.”
Luidens Agri Wes-Kaap se verklaring behoort Eskom ook sy kostestruktuur in groter besonderhede aan die publiek beskikbaar stel.
“Die rol en doeltreffendheid van Nersa behoort ondersoek te word, gegewe aspekte soos gebrekkige toesig oor kontrakte. Alle RCA’s moet gekonsolideer word om die potensiële uitwerking op tariewe te bepaal,” sê Strydom.
Hy voer ook aan dat onderhandelde elektrisiteitspryse vir sektore soos die landbou op mediumtermyn oorweeg moet word. – Netwerk24
Jannie Strydom, uitvoerende hoof van Agri Wes-Kaap, sê in ’n verklaring die vraag na elektrisiteit in die landbousektor is grootliks onelasties en produsente kan min doen om die koste op kort termyn te verminder, terwyl dit tot 20% van hul direkte koste kan uitmaak.
“Die feit dat die koste van elektrisiteit die afgelope dekade met meer as inflasie gestyg het, en produkpryse nie ooreenkomstig gestyg het nie, bevestig die erns van die situasie. Dit dra dus by tot die kosteknyptang-effek waarin landbou-produsente hulle bevind.”
Dié landbou-organisasie het ’n voorlegging gelewer met die openbare verhoor van die nasionale energiereguleerder (Nersa) in Kaapstad oor Eskom se aansuiweringsrekening-aansoek (RCA) vir die boekjaar 2018-’19.
Dit kan kragtariewe met sowat 6% per jaar laat styg.
Volgens Strydom kan die tydsverloop tussen Eskom se aansoeke, Nersa se besluite en die uiteindelike optrede van Eskom tot onvoorsiene risiko’s lei.
“Daar is bloot te veel sake in die aansoek wat onduidelik is en wat dui op Nersa en Eskom wat na ons mening hoegenaamd nie op dieselfde bladsy is nie. Dit is duidelik uit die verskille in sienings oor hoe kapitaaluitgawes verreken moet word en die invloed daarvan op kontantvloei, reuseverskille tussen goedgekeurde en werklike dieselverbruik, groot variasies tussen goedgekeurde en werklike energiekoste, onrealistiese verwagtinge ten opsigte van die aflegging van werknemers, en soortgelyke RCA-aansoeke wat steeds nie vir die vorige drie jaar hanteer is nie en tot regsprosesse gelei het.”
Strydom sê verder die feit dat Eskom volgens aanduidings in die aansoek nie renteverpligtinge uit lopende inkomste kan dek nie, “dui daarop dat dit nie as lopende saak beskou kan word nie”. “Dié instelling bevind homself in ’n skuldstrik wat ’n ernstige bron van kommer is.”
Luidens Agri Wes-Kaap se verklaring behoort Eskom ook sy kostestruktuur in groter besonderhede aan die publiek beskikbaar stel.
“Die rol en doeltreffendheid van Nersa behoort ondersoek te word, gegewe aspekte soos gebrekkige toesig oor kontrakte. Alle RCA’s moet gekonsolideer word om die potensiële uitwerking op tariewe te bepaal,” sê Strydom.
Hy voer ook aan dat onderhandelde elektrisiteitspryse vir sektore soos die landbou op mediumtermyn oorweeg moet word. – Netwerk24
Kommentaar
Republikein
Geen kommentaar is op hierdie artikel gelaat nie