Kuberaanval op regering
Verskeie webtuistes op 'n bediener van die regering is onbereikbaar ná 'n kuberaanval – skynbaar oor omgewingskwessies.
Ronelle Rademeyer
Teen laat gister was die minstens 30 webtuistes van die Namibiese regering, wat talle van sy ministeries, die Namibiese polisie en streekrade insluit, steeds nie toeganklik nie nadat dit Woensdagmiddag deur vermoedelik kuberaktiviste gekraak is.
Die kuberaanval is deur 'n Twitter-gebruiker met die naam Paladin (@VirusSec) aangekondig.
Die twiet lui: “gov.na is #offline/Government Portal of Namibia/Warnings were given./#OpFunKill #Aonymous”. Die webtuistes wat geraak word, is ook in die twiet gelys.
Die ministerie van inligting en kommunikasietegnologie het teen laat gister nog nie 'n amptelike verklaring oor die kuberaanval uitgereik nie.
“Dit lyk asof al die geteikende webtuistes op 'n enkele bediener gehuisves word wat aan die kantoor van die eerste minister behoort. Die IP-adres is 154.0.193.133,” sê mnr. Andrew Fordred van Cynetio Cyber Security Solutions.
Dit blyk uit 'n verslag wat deur sy kollega, mnr. Rigo Reddig, opgestel is, die rede vir die aanval is nie duidelik uit die twiet nie. Hy sê vorige twiets en hutsmerke soos #OpFunKill, #Vegan, #Anonymous en #frackfreenamibia toon wel hierdie is die werk van kuberaktiviste.
“Dieselfde Twitter-gebruiker het in die verlede lande soos die Maldives en Suid-Afrika sowel as individuele organisasies geteiken as deel van kuberaktivisme oor menseregte, wetshervorming, diereregte en trofeejagkwessies,” sê Reddig.
“Ná 'n vlugtige, eksterne ontleding van die geraakte bediener en uit die ondersoek na die netwerkroetes, sowel as die gereedskap wat die kuberaanvaller(s) voorheen gebruik het, kan ons aflei dat hierdie 'n ongesofistikeerde Distributed Denial of Service (DDoS)-aanval is,” verduidelik hy verder.
“Die instrument blyk 'n aangepaste of gewysigde DDoS-opdrag te wees wat verskeie bedieners beveel het om die regering se bediener met data te oorstroom sodat dit in duie stort,” sê Reddig.
Volgens hom sal die aanval voortduur vir so lank as wat die aanvaller die opdrag aktief hou, of tot die regering se inligtings- en kommunikasietegnologiespan standaardmaatreëls implementeer wat die toestroming van inkomende dataverkeer blokkeer.
In 2014 is in 'n video op die webtuiste van www.freeronnie.operationfunkill.org met 'n kuberaanval op die regering gedreig nadat sy besluit bekend geword het om aan 'n safariklub in Amerika toestemming te gee om renosters in Namibië te jag.
Die groep het gesê dit is wreed om renosters onder die voorwendsel van bewaring dood te maak.
Reddig sê #Anonymous is nie 'n spesifieke organisasie nie. Hy verduidelik die hutsmerk word universeel deur onbekende kuberaktiviste of -aanvallers gebruik wat nie hul identiteit bekend wil maak nie. - [email protected]
Teen laat gister was die minstens 30 webtuistes van die Namibiese regering, wat talle van sy ministeries, die Namibiese polisie en streekrade insluit, steeds nie toeganklik nie nadat dit Woensdagmiddag deur vermoedelik kuberaktiviste gekraak is.
Die kuberaanval is deur 'n Twitter-gebruiker met die naam Paladin (@VirusSec) aangekondig.
Die twiet lui: “gov.na is #offline/Government Portal of Namibia/Warnings were given./#OpFunKill #Aonymous”. Die webtuistes wat geraak word, is ook in die twiet gelys.
Die ministerie van inligting en kommunikasietegnologie het teen laat gister nog nie 'n amptelike verklaring oor die kuberaanval uitgereik nie.
“Dit lyk asof al die geteikende webtuistes op 'n enkele bediener gehuisves word wat aan die kantoor van die eerste minister behoort. Die IP-adres is 154.0.193.133,” sê mnr. Andrew Fordred van Cynetio Cyber Security Solutions.
Dit blyk uit 'n verslag wat deur sy kollega, mnr. Rigo Reddig, opgestel is, die rede vir die aanval is nie duidelik uit die twiet nie. Hy sê vorige twiets en hutsmerke soos #OpFunKill, #Vegan, #Anonymous en #frackfreenamibia toon wel hierdie is die werk van kuberaktiviste.
“Dieselfde Twitter-gebruiker het in die verlede lande soos die Maldives en Suid-Afrika sowel as individuele organisasies geteiken as deel van kuberaktivisme oor menseregte, wetshervorming, diereregte en trofeejagkwessies,” sê Reddig.
“Ná 'n vlugtige, eksterne ontleding van die geraakte bediener en uit die ondersoek na die netwerkroetes, sowel as die gereedskap wat die kuberaanvaller(s) voorheen gebruik het, kan ons aflei dat hierdie 'n ongesofistikeerde Distributed Denial of Service (DDoS)-aanval is,” verduidelik hy verder.
“Die instrument blyk 'n aangepaste of gewysigde DDoS-opdrag te wees wat verskeie bedieners beveel het om die regering se bediener met data te oorstroom sodat dit in duie stort,” sê Reddig.
Volgens hom sal die aanval voortduur vir so lank as wat die aanvaller die opdrag aktief hou, of tot die regering se inligtings- en kommunikasietegnologiespan standaardmaatreëls implementeer wat die toestroming van inkomende dataverkeer blokkeer.
In 2014 is in 'n video op die webtuiste van www.freeronnie.operationfunkill.org met 'n kuberaanval op die regering gedreig nadat sy besluit bekend geword het om aan 'n safariklub in Amerika toestemming te gee om renosters in Namibië te jag.
Die groep het gesê dit is wreed om renosters onder die voorwendsel van bewaring dood te maak.
Reddig sê #Anonymous is nie 'n spesifieke organisasie nie. Hy verduidelik die hutsmerk word universeel deur onbekende kuberaktiviste of -aanvallers gebruik wat nie hul identiteit bekend wil maak nie. - [email protected]
Kommentaar
Republikein
Geen kommentaar is op hierdie artikel gelaat nie