Kuier weer saam by Sjordé

Gedurende die tagtigerjare het prof. Aldo Behrens en dr. Chrisna Beuke-Muir huiskonserte in Windhoek aangebied met die naam “Sjordé” (gooi drankie – “sjor”, neem en drink - “dè”). Netwerk het, in samewerking met die Windhoek Woordfees, laat verlede jaar weer begin om hierdie gewilde beweging te laat herleef.Die Windhoek Woordfees het vanweë die inperkingsmaatreëls besluit om kleiner, meer gereelde produksies aan te bied, totdat groter byeenkomste weer toegelaat word. Elizma Theron, uitvoerende beampte van Netwerk, is van mening dat hierdie byeenkomste gulde geleenthede is om blootstelling aan plaaslike talent te bied. “Daar bestaan ’n definitiewe behoefte aan kultuurvertonings van goeie gehalte in Namibië en hier is beslis geen tekort aan talent nie.”Danksy die borge van die Windhoek Woordfees, FNB Namibia en Checkers, kan hierdie byeenkomste op ? gereelde basis plaasvind. Meer produksies word ook vir die res van die jaar beplan. Hou gerus Netwerk Namibië se Facebook-blad dop om nie uit te mis op enige van hierdie funksies nie.Die volgende Sjordé, met die tema “Die geur van kleur en klank”, word op 27 Mei by De Kayak in Olympia, Windhoek, aangebied. Midlife gaan die gehoor vermaak met musiek wat Petronella Genis aanmekaarweef met voorlesings van Fanie Gous se fotoverse. Midlife bestaan uit drie lede: Trudie Crous, Cobus de Waal en Pieter Genis. Hul musiekpaaie het gekruis in hul plaaslike gemeente se musiekbediening. Deur die loop van 2020 het hul eerste optredes bestaan uit huiskonserte.Midlife bring ballades en akoestiese popmusiek met stemme, klavier, kitaar, perkussie en vars verwerkings tot strelende harmonieë.Kaartjies kos N$100 en verversings is ingesluit. Weens die huidige inperkingsmaatreëls is daar slegs 100 kaartjies beskikbaar. Kontak Elizma by admin@netwerk-na.org of 081 122 4110 om jou plek te bespreek.

Kuier weer saam by Sjordé

Kommentaar

Republikein 2025-04-03

Meld asseblief aan om kommentaar te lewer

Kuier weer saam by Sjordé

Kommentaar

Republikein 2025-04-03

Meld asseblief aan om kommentaar te lewer

MELD AAN

Advertensie