Kuns van verandering
Yandi du Plessis
Goeie nuus vir kunsliefhebbers! Die Project Room-galery bied ’n nuwe uitstalling deur Barbara Böhlke aan. Dié kunstenaar verwerk die huidige klimaat van verandering in Namibië en die wêreld in haar nuutste versameling, wat vanaf 18 Julie besigtig kan word.
Die naam van die uitstalling is heel gepas: Transitions. Barbara reflekteer op die tyd waarin die wêreld voor ’n pandemie en die onafwendbare inperkings te staan gekom het. Op haar manier verwerk sy die realiteit van dié onsigbare siekte wat soveel veranderinge meegebring het.
Barbara werk steeds met die mediums waarvoor sy bekend is. Natuurlike okerpigmente (Otjize) uit die noordelike deel van die Kunenestreek, houtskool en as met wit akriel op die skilderdoek.
In Transitions werk Barbara met binne- en buiteruimtes wat aangedui word deur titels soos “Sacred space”, “Gramadoelas”, “Regenstimmung” en “Earth Shadow reflection”.
DIE KUNSTENAAR
Barbara is gebore en getoë in Swakopmund. Kampeeruitstappies saam met haar ouers het haar reeds op ’n vroeë ouderdom ’n diep verbintenis met die Namibiese landskap laat vorm.
Aangesien beide haar ouers opgeleide goudsmede was, het sy ook begin om dié kunsvorm aan te leer. Sy het egter gou besef dit is nie haar roeping nie en het Beeldende Kunste aan die Stellenbosch-Universiteit begin studeer. Daar het sy in 1989 haar honneursgraad in BA Beeldende Kunste (cum laude) verwerf.
Daarna het sy teruggekeer na Namibië en sy is sedertdien ’n aktiewe lid van die kunsgemeenskap.
Haar werk word gereeld by solo- of groepsuitstallings vertoon en kan in versamelings regoor die wêreld aangetref word.
In 1997 het sy die Barbara Böhlke Art School geopen waar sy leiding gee aan voornemende kunstenaars, jonk en oud.
Die uitstalling is vanaf Saterdag, 18 Julie, tot Saterdag, 1 Augustus, oop. Die galery is tussen Dinsdae en Saterdae tussen 10:00 en 13:00 oop en is geleë by 32 Jennerstraat in Windhoek-Wes.
Goeie nuus vir kunsliefhebbers! Die Project Room-galery bied ’n nuwe uitstalling deur Barbara Böhlke aan. Dié kunstenaar verwerk die huidige klimaat van verandering in Namibië en die wêreld in haar nuutste versameling, wat vanaf 18 Julie besigtig kan word.
Die naam van die uitstalling is heel gepas: Transitions. Barbara reflekteer op die tyd waarin die wêreld voor ’n pandemie en die onafwendbare inperkings te staan gekom het. Op haar manier verwerk sy die realiteit van dié onsigbare siekte wat soveel veranderinge meegebring het.
Barbara werk steeds met die mediums waarvoor sy bekend is. Natuurlike okerpigmente (Otjize) uit die noordelike deel van die Kunenestreek, houtskool en as met wit akriel op die skilderdoek.
In Transitions werk Barbara met binne- en buiteruimtes wat aangedui word deur titels soos “Sacred space”, “Gramadoelas”, “Regenstimmung” en “Earth Shadow reflection”.
DIE KUNSTENAAR
Barbara is gebore en getoë in Swakopmund. Kampeeruitstappies saam met haar ouers het haar reeds op ’n vroeë ouderdom ’n diep verbintenis met die Namibiese landskap laat vorm.
Aangesien beide haar ouers opgeleide goudsmede was, het sy ook begin om dié kunsvorm aan te leer. Sy het egter gou besef dit is nie haar roeping nie en het Beeldende Kunste aan die Stellenbosch-Universiteit begin studeer. Daar het sy in 1989 haar honneursgraad in BA Beeldende Kunste (cum laude) verwerf.
Daarna het sy teruggekeer na Namibië en sy is sedertdien ’n aktiewe lid van die kunsgemeenskap.
Haar werk word gereeld by solo- of groepsuitstallings vertoon en kan in versamelings regoor die wêreld aangetref word.
In 1997 het sy die Barbara Böhlke Art School geopen waar sy leiding gee aan voornemende kunstenaars, jonk en oud.
Die uitstalling is vanaf Saterdag, 18 Julie, tot Saterdag, 1 Augustus, oop. Die galery is tussen Dinsdae en Saterdae tussen 10:00 en 13:00 oop en is geleë by 32 Jennerstraat in Windhoek-Wes.
Kommentaar
Republikein
Geen kommentaar is op hierdie artikel gelaat nie