Kyk hoe lyk prinses Charlotte (2) nou!

Kensingtonpaleis het gister dié jongste foto van Charlotte namens haar ouers uitgereik. Die skattige Charlotte Elizabeth Diana Cambridge sal haar tweede verjaarsdag vandag in die privaatheid van haar ouerhuis in Anmer Hall in Norfolk vier. Hoewel Charlotte op dié foto baie op haar tannie Pippa trek, is daar ook trekke van haar oumagrootjie en lady Sarah Chatto, prinses Margaret se dogter, in haar te sien. Prinses Margaret is koningin Elizabeth se suster wat reeds oorlede is. Foto Catherine, hertogin van Cambridge