Lady Pohamba Private Hospitaal staak tydelik inentings

Die Lady Pohamba Private Hospitaal (LPPH) in Windhoek, een van verskeie immuniseringspunte teen Covid-19 in die hoofstad, het tydelik inentings gestaak omdat dit nie meer voorraad entstowwe van die ministerie van gesondheid en maatskaplike dienste ontvang het nie. Die uitvoerende direkteur in die ministerie, mnr. Ben Nangombe, het gesê die veldtog hier is op ys tot verdere kennisgewing en afhangend van die aanvul van dosisse.