Landbouministerie kelder TradePort se skaapplanne
'n Uitvoerder se plan om Namibiese hawens te gebruik om kleinvee uit Suid-Afrika lewend uit te voer, kan weens bek-en-klouseer in die buurland nie geskied nie.
Ronelle Rademeyer
TradePort Namibia mag nie skape en bokke op die hoef uit Suid-Afrika invoer, en dan via die hawens by Lüderitz of Walvisbaai na lande in die Midde-Ooste en ander markte uitvoer nie.
Die minister van landbou, water en grondhervorming, mnr. Calle Schlettwein, sê in 'n brief aan EnviroLeap Consulting die uitbreking van bek-en-klouseer (BKS) in 2019 in Suid-Afrika en die daaropvolgende sluiting van Namibiese grense vir invoer van diere met gesplete hoewe, maak dié uitvoerplan deur die Namibiese hawens onmoontlik.
EnviroLeap is deur TradePort aangestel om die omgewingsimpakstudie te doen en die omgewingbestuursplan vir die lewende uitvoere op te stel.
Schlettwein verwys ook in die brief na skerp teenstand wat deur verskeie belangegroepe teen hierdie plan geopper is.
Die Dierebeskermingsvereniging (DBV) het vroeër sterk hierteen beswaar gemaak aangesien die toestande waaronder die kleinvee weke lank op see vervoer word, teen dierewelsynsreëls indruis.
Die DBV voer aan die uitvoerproses is wreed, veral weens die hittestres wat die skape en bokke ervaar wanneer hulle op see oor die ewenaar vervoer word.
Die uitvoer van vee op die hoef na die Midde-Ooste het die afgelope twee dekades geleidelik toegeneem, veral uit Europa en Australië.
The Guardian berig handel in lewende vee na Egipte, Israel, Jordanië, Koeweit, Libanon, Oman, Katar en Saoedi-Arabië het die afgelope 15 jaar skerp gestyg.
“In 2016 het Turkye vee ter waarde van US$600 miljoen lewend ingevoer. In 2017 het dit verdubbeld en tot US$1,2 miljard gestyg,” lui die berig.
Midde-Oosterse lande kan weens waterskaarste nie dieselfde hoeveelhede vee produseer as in ander wêrelddele nie, terwyl die vraag na vleis en suiwelprodukte toeneem, berig The Guardian.
Die rede waarom Moslem-lande die vee lewend invoer pleks van die vleis, is omdat dit binne hul geloofstradisie op die halaal-metode geslag moet word.
Mnr. Peter Stevenson, hoofbeleidsadviseur by die organisasie Compassion in World Farming, het aan dié Britse dagblad gesê hy het in sy loopbaan van 28 jaar “niks gesien wat so aaklig is as abattoirs in die Midde-Ooste nie”.
Ondersoek na ondersoek het vuil toestande ontbloot, tesame met min of geen kommer oor die welsyn van diere, swak opgeleide personeel en veral die praktyk van halaal-slagting. – [email protected]
TradePort Namibia mag nie skape en bokke op die hoef uit Suid-Afrika invoer, en dan via die hawens by Lüderitz of Walvisbaai na lande in die Midde-Ooste en ander markte uitvoer nie.
Die minister van landbou, water en grondhervorming, mnr. Calle Schlettwein, sê in 'n brief aan EnviroLeap Consulting die uitbreking van bek-en-klouseer (BKS) in 2019 in Suid-Afrika en die daaropvolgende sluiting van Namibiese grense vir invoer van diere met gesplete hoewe, maak dié uitvoerplan deur die Namibiese hawens onmoontlik.
EnviroLeap is deur TradePort aangestel om die omgewingsimpakstudie te doen en die omgewingbestuursplan vir die lewende uitvoere op te stel.
Schlettwein verwys ook in die brief na skerp teenstand wat deur verskeie belangegroepe teen hierdie plan geopper is.
Die Dierebeskermingsvereniging (DBV) het vroeër sterk hierteen beswaar gemaak aangesien die toestande waaronder die kleinvee weke lank op see vervoer word, teen dierewelsynsreëls indruis.
Die DBV voer aan die uitvoerproses is wreed, veral weens die hittestres wat die skape en bokke ervaar wanneer hulle op see oor die ewenaar vervoer word.
Die uitvoer van vee op die hoef na die Midde-Ooste het die afgelope twee dekades geleidelik toegeneem, veral uit Europa en Australië.
The Guardian berig handel in lewende vee na Egipte, Israel, Jordanië, Koeweit, Libanon, Oman, Katar en Saoedi-Arabië het die afgelope 15 jaar skerp gestyg.
“In 2016 het Turkye vee ter waarde van US$600 miljoen lewend ingevoer. In 2017 het dit verdubbeld en tot US$1,2 miljard gestyg,” lui die berig.
Midde-Oosterse lande kan weens waterskaarste nie dieselfde hoeveelhede vee produseer as in ander wêrelddele nie, terwyl die vraag na vleis en suiwelprodukte toeneem, berig The Guardian.
Die rede waarom Moslem-lande die vee lewend invoer pleks van die vleis, is omdat dit binne hul geloofstradisie op die halaal-metode geslag moet word.
Mnr. Peter Stevenson, hoofbeleidsadviseur by die organisasie Compassion in World Farming, het aan dié Britse dagblad gesê hy het in sy loopbaan van 28 jaar “niks gesien wat so aaklig is as abattoirs in die Midde-Ooste nie”.
Ondersoek na ondersoek het vuil toestande ontbloot, tesame met min of geen kommer oor die welsyn van diere, swak opgeleide personeel en veral die praktyk van halaal-slagting. – [email protected]
Kommentaar
Republikein
Geen kommentaar is op hierdie artikel gelaat nie