Langer Heinrich-belang sowat N$2 miljard werd
Langer Heinrich se verlies vir die nege maande tot einde Maart was meer as N$560 miljoen.
Jo-Maré Duddy - Die redelike markwaarde van Paladin Energy Ltd se 75%-belang in die Langer Heinrich-uraanmyn is sowat US$170 miljoen of N$2,2 miljard.
Dit is die bevinding van 'n onafhanklike kenner wie se hulp ingeroep is nadat die staatsbeheerde China National Nuclear Corporation (CNNC) vroeër vanjaar dié aandeelhouding in sy visier geplaas het. CNNC besit reeds 25% van Langer Heinrich.
Paladin se voortslepende finansiële penarie beteken CNNC kan in sekere “solvensie-scenario's” daarop aandring om 100% van Langer Heinrich te verkry. Die Chinese reus het Paladin in Maart die opdrag gegee om 'n redelik markwaarde vir sy 75%-belang te bepaal.
Hoewel Paladin se aandele sowat US$170 miljoen werd is, kan dié Australiese groep nie op die volle bedrag reken nie. 'n Diskonto van 5% geld, wat beteken Paladin sal met US$162 miljoen vir lief moet neem.
Uitstaande rentedraende Paladin-lenings van sowat US$254 miljoen aan Langer Heinrich sal egter sowat US$416 miljoen in die sak van die huidige meerderheidsaandeelhouer beteken, sou CNNC se planne vir oorname slaag.
Paladin sê in 'n verklaring CNNC het 30 dae van 20 Julie om sy voornemens bekend te maak.
Beurs, Deutsche Bank
Die Toronto-aandelebeurs (TSX) het besluit om Paladin op 10 Augustus te denoteer omdat die groep nie langer aan sy vereistes voldoen nie.
Dié vereistes het betrekking op insolvensie- of bankrotskapsprosedures, finansies en bedryfsresultate, asook voldoende werkskapitaal en geskikte kapitaalstruktuur.
Paladin se primêre notering is op die Australiese aandelebeurs (ASX), terwyl die groep sekondêre noterings op die TSX en die Namibiese aandelebeurs (NSX) het.
'n Poging sal aangewend word om Paladin se aandeleregister op die TSX na die ASX oor te dra, het een van die groep se aangestelde administrateurs, Matthew Woods van KPMG, in 'n verklaring gesê.
Sou Paladin ook sy notering op die ASX verloor, sal 'n denotering op die NSX volg.
'n Ooreenkoms is intussen met Deutsche Bank bereik ingevolge waarvan dié bank se tak in Londen Paladin se bestaande wentelkredietfasiliteit van US$20 miljoen by Nedbank verkry. Dié fasiliteit, wat vir 12 maande geldig is, is tot US$60 miljoen verhoog.
Hiervan kan Langer Heinrich op US$45 miljoen vir werkskapitaal aanspraak maak, terwyl die res tot die beskikking van Paladin Finance en Paladin Energy is.
Verlies rek
Langer Heinrich se verlies vir die nege maande tot einde Maart was US$43,3 miljoen, meer as N$560 miljoen.
Dit is US$10,7 miljoen meer as die verlies wat die myn in halfjaar tot einde Desember 2016 gely het.
In die nege maande tot einde Maart 2016 het Langer Heinrich 'n wins van US$7,8 miljoen gemaak.
In die jongste nege maande het Langer Heinrich se inkomste US$69,4 miljoen beloop, sowat 43% minder as die ooreenstemmende tydperk in 2016.
Die myn het bykans 3,4 miljoen pond uraanoksied gelewer, sowat 7% minder as dieselfde tydperk in 2016. Die lae uraanprys het Paladin in November 2016 genoop om sy produksieplan vir Langer Heinrich te hersien.
As sulks gaan die myn vir die volgende twee jaar tussen een miljoen pond tot 1,5 miljoen pond minder uraanoksied elke jaar lewer.
Die Paladin-groep se netto verlies vir die nege maande onder oorsig was US$97,9 miljoen vergeleke met 'n verlies van US$38,6 miljoen vir die ooreenstemmende tyd in 2016.
Dit is die bevinding van 'n onafhanklike kenner wie se hulp ingeroep is nadat die staatsbeheerde China National Nuclear Corporation (CNNC) vroeër vanjaar dié aandeelhouding in sy visier geplaas het. CNNC besit reeds 25% van Langer Heinrich.
Paladin se voortslepende finansiële penarie beteken CNNC kan in sekere “solvensie-scenario's” daarop aandring om 100% van Langer Heinrich te verkry. Die Chinese reus het Paladin in Maart die opdrag gegee om 'n redelik markwaarde vir sy 75%-belang te bepaal.
Hoewel Paladin se aandele sowat US$170 miljoen werd is, kan dié Australiese groep nie op die volle bedrag reken nie. 'n Diskonto van 5% geld, wat beteken Paladin sal met US$162 miljoen vir lief moet neem.
Uitstaande rentedraende Paladin-lenings van sowat US$254 miljoen aan Langer Heinrich sal egter sowat US$416 miljoen in die sak van die huidige meerderheidsaandeelhouer beteken, sou CNNC se planne vir oorname slaag.
Paladin sê in 'n verklaring CNNC het 30 dae van 20 Julie om sy voornemens bekend te maak.
Beurs, Deutsche Bank
Die Toronto-aandelebeurs (TSX) het besluit om Paladin op 10 Augustus te denoteer omdat die groep nie langer aan sy vereistes voldoen nie.
Dié vereistes het betrekking op insolvensie- of bankrotskapsprosedures, finansies en bedryfsresultate, asook voldoende werkskapitaal en geskikte kapitaalstruktuur.
Paladin se primêre notering is op die Australiese aandelebeurs (ASX), terwyl die groep sekondêre noterings op die TSX en die Namibiese aandelebeurs (NSX) het.
'n Poging sal aangewend word om Paladin se aandeleregister op die TSX na die ASX oor te dra, het een van die groep se aangestelde administrateurs, Matthew Woods van KPMG, in 'n verklaring gesê.
Sou Paladin ook sy notering op die ASX verloor, sal 'n denotering op die NSX volg.
'n Ooreenkoms is intussen met Deutsche Bank bereik ingevolge waarvan dié bank se tak in Londen Paladin se bestaande wentelkredietfasiliteit van US$20 miljoen by Nedbank verkry. Dié fasiliteit, wat vir 12 maande geldig is, is tot US$60 miljoen verhoog.
Hiervan kan Langer Heinrich op US$45 miljoen vir werkskapitaal aanspraak maak, terwyl die res tot die beskikking van Paladin Finance en Paladin Energy is.
Verlies rek
Langer Heinrich se verlies vir die nege maande tot einde Maart was US$43,3 miljoen, meer as N$560 miljoen.
Dit is US$10,7 miljoen meer as die verlies wat die myn in halfjaar tot einde Desember 2016 gely het.
In die nege maande tot einde Maart 2016 het Langer Heinrich 'n wins van US$7,8 miljoen gemaak.
In die jongste nege maande het Langer Heinrich se inkomste US$69,4 miljoen beloop, sowat 43% minder as die ooreenstemmende tydperk in 2016.
Die myn het bykans 3,4 miljoen pond uraanoksied gelewer, sowat 7% minder as dieselfde tydperk in 2016. Die lae uraanprys het Paladin in November 2016 genoop om sy produksieplan vir Langer Heinrich te hersien.
As sulks gaan die myn vir die volgende twee jaar tussen een miljoen pond tot 1,5 miljoen pond minder uraanoksied elke jaar lewer.
Die Paladin-groep se netto verlies vir die nege maande onder oorsig was US$97,9 miljoen vergeleke met 'n verlies van US$38,6 miljoen vir die ooreenstemmende tyd in 2016.
Kommentaar
Republikein
Geen kommentaar is op hierdie artikel gelaat nie